ఒక్కసారిగా స్పృహ తప్పి పడిపోయిన గుర్రం.. వీడియో చూస్తే షాక్ అవుతారు..!

అమెరికాలో ఎండలు మండిపోతున్నాయి.కొద్ది రోజులుగా అక్కడ నమోదవుతున్న ఉష్ణోగ్రతలు అక్కడి ప్రజలను అల్లాడిపోయేలా చేస్తున్నాయి.

ఇక మూగజీవుల ఈ ఎండకి తట్టుకోలేక అడ్డం పడుతున్నాయి.తాజాగా ఒక గుర్రం ఎర్రటి ఎండలో పరిగెడుతూ అలానే పడిపోయింది.

అమెరికా దేశంలోని న్యూయార్క్ పట్టణంలోని ఐకానిక్ క్యారేజ్ గుర్రాలలో ఒకటిగా ఉన్న ఈ గుర్రం అధిక ఉష్ణోగ్రతలను తట్టుకోలేక తీవ్ర అస్వస్థతకు గురైంది.అనంతరం అది రోడ్డుమీదనే ఉలుకూ పలుకూ లేకుండా పడిపోయింది.

ఈ దృశ్యాన్ని చూసిన స్థానికులు అయ్యో పాపం, ఆ మూగ జీవికి ఏమైందో ఏమో అని దానిని రెస్క్యూ చేయడానికి ముందుకు వచ్చారు.కొందరు స్థానికులు జంతు సంరక్షణ అధికారులకు కాల్ చేశారు.

దాంతో అధికారులు హుటాహుటిన అక్కడికి చేరుకున్నారు.అనంతరం పైపులతో దానిపై నీళ్లు పోస్తూ కాస్త ఉపశమనం కలిగించారు.

ఆ చల్లటి నీళ్ళు పోస్తున్నా గుర్రం అప్పటికి నిల్చోలేక పోయింది.వడగాల్పుల వల్ల దానికి వడదెబ్బ తగిలినట్లుంది అని కొంత మంది కామెంట్ చేస్తున్నారు.