ఉదయ్ కిరణ్ పిచ్చి పని చేశాడు అని రంగనాథ్ ఎందుకు అదే పని చేసాడు!

జీవితం అందరికీ అన్ని నేర్పిస్తుంది జీవించాలనే కోరికను చూపిస్తుంది.అలాగే ఒంటరిగా ఉన్న జీవితంలో కష్టాలను చూపిస్తుంది.

కష్టాల కడలి ఈది గెలిచిన వాడే విజేత అవుతాడు కానీ ఒక్కోసారి మధ్యలోనే బోర్లా పడతారు.ఎందుకు జీవితాన్ని కోల్పోతున్నామో తెలియకుండానే కనీసం ఎవరితో తమ బాధను పంచుకోకుండానే తమ జీవితాలను ముగించేసుకుంటారు.

సామాన్యుల జీవితాల్లో మాత్రమే ఇలా జరుగుతుంది అనుకుంటే పొరపాటే ఎంతో స్టార్ట్ డం చూసి వందల, వేల మంది అభిమానులను సొంతం చేసుకున్న వారు కూడా ఒంటరితనం భరించలేక కన్నుమూస్తూ ఉంటారు.అందుకు ఖచ్చితంగా చెప్పాల్సిన ఉదాహరణ విషయానికొస్తే నటుడు రంగనాథ్ గారి గురించే చెప్పుకోవాలి.

ఆయన తెలుగు సినిమా ఇండస్ట్రీకి ఒక విలక్షణ నటుడు.రైల్వే శాఖలో టికెట్ కలెక్టర్ గా పని చేస్తూ వెండి తెరకు పరిచయమయ్యాడు ఏకంగా 300 కు పైగా సినిమాల్లో నటించాడు.

హీరోగా, విలన్ గా, క్యారెక్టర్ ఆర్టిస్టుగా ప్రేక్షకులతో నిరాజనాలను అందుకున్నాడు.ఆయన కేవలం నటుడు మాత్రమే కాదు మంచి రచయిత కూడా.

ఆయన రచించిన సుదర్శనం, అంతరంగ మధనం, పధపరిమళం, అక్షర సాక్ష్యం, రంగనాథ్ కథలు, రంగనాథ్ నడత పుస్తకాలు, ఈ చీకటి తొలగాలి అనే రచనలు అక్షర రూపం దాల్చాయి.ఇక ఆయన సినిమాల్లోనే కాకుండా సీరియల్స్ లోను నటించాడు.

కానీ 2015 లో ఆయన అకాల మరణం చెందాడు.