తెలుగులో గోపీచంద్, తమిళంలో విశాల్‌.. ఇద్దరూ చెత్త సినిమాలతో బుర్ర తినేస్తున్నారుగా ..?

విశాల్ ( Vishal ) గురించి తెలుగు జనాలకు ప్రత్యేకంగా చెప్పాల్సిన పనిలేదు.తమిళ హీరో అయినప్పటికీ అతగాడిని మనవాళ్ళు గుండెల్లో పెట్టుకున్నారు.

మొదటి సినిమా పందెం కోడి సినిమాతోనే మనోడు ఇక్కడ మంచి మార్కెట్ ని సంపాదించుకున్నారు.ఆ తరువాత కూడా ఆ పరంపర కొనసాగించాడు.

కానీ కొన్ని సంవత్సరాలుగా విశాల్ కధల విషయంలో కాస్త తడబడినట్టు కనబడుతున్నాడు.పైగా సినిమా సినిమాకి హింస పెంచుకుంటూ పోతుండటం దురదృష్టకరం.

దానికి ఉదాహరణే నిన్న రిలీజైన రత్నం సినిమా( Ratnam movie ).ఈ సినిమాని చూస్తే మనోడిమీద జాలేస్తుంది.అదే సమయంలో తిక్క తిక్క సినిమాలను పదే పదే జనం మీద రుద్దుతున్నందుకు కోపమొస్తుంది.

మరీ ముఖ్యంగా ప్రేక్షకులను నాడి తెలుసుకోలేని నిర్మాతలు, దర్శకులు ఇకనుండైనా తమ పంథాను మార్చుకుంటే ఉత్తమం.ఇపుడున్న పరిస్థితుల్లో ఒక ఫ్యామిలీ థియేటర్‌కు వెళ్లి సినిమా చూడాలంటే ఎన్ని వ్యయ ప్రయాసలతో కూడుకున్న వ్యవహారంలో అందరికీ తెలిసిందే.

అలాంటిది ప్రేక్షకుల మనోభావాలతో, పర్సులతో ఆటలాడుకుంటుంటే ఖచ్చితంగా కోపం వస్తుంది.పైగా ప్రతి ప్రమోషన్ మీట్‌లో సో కాల్డ్ సినిమా ప్రముఖులందరూ ‘మా సినిమా థియేటర్‌లోనే చూడండి’ అని చిలక పలుకులు పలుకుతూ వుంటారు.

విషయం ఏమిటంటే అసలు ఓటీటీకి, టీవీకి కూడా పనికిరాని దిక్కుమాలిన సినిమాలు వాళ్ళు మనమీద రుద్దుతారు.థియాటర్లోనే చూడమని.