మూడు తొండాలు, ఆరు చేతులతో దర్శనమిచ్చే వినాయకుడు ఆలయం ఎక్కడ ఉందో తెలుసా..?

సాధారణంగా మనం వినాయకుడు అనగానే ఒక తొండం నాలుగు చేతులు కలిగి ఉన్నటువంటి విగ్రహం మనం చూసి ఉంటాం.

అదేవిధంగా వినాయకుడికి వాహనంగా పక్కనే చిన్న ఎలుక కూడా ఉంటుంది.

కానీ మీరు ఎప్పుడైనా మూడు తొండాలు, ఆరు చేతులు కలిగినటువంటి వినాయకుని చూశారా? కానీ పుణేలోని సోమ్వార్‌లేన్‌లో గల త్రిశుండ్ మయూరేశ్వర మందిరానికి వెళితే అక్కడ మనకు మూడు తొండాలు, ఆరు చేతులు, నెమలి వాహనం పై ఆసీనుడు అయినటువంటి వినాయకుడు మనకు దర్శనమిస్తారు.ఈ విధంగా మూడు తొండాలు కలిగిన వినాయకుడి విశిష్టత ఇక్కడ తెలుసుకుందాం.

పూనేలో ఉన్న సోమ్వర్ పేట్ జిల్లా నజగిరి అనే నదీ తీరంలో ఈ త్రిసూంద్ గణపతి దేవాలయం.భీమజీగిరి గోసవి అనే వ్యక్తి నిర్మించాడు.1754లో మొదలుపెట్టిన ఈ ఆలయంలో 1770 సంవత్సరంలో పూర్తయి మూడు తొండాలు కలిగినటువంటి వినాయకుడిని ప్రతిష్టించారు.అదే విధంగా ఈ ఆలయం గర్భగుడి లోపల మూడు భాషలలో శాసనాలను గుర్తించారు.

రెండు శాసనాలు సంస్కృతంలో ఉండగా మూడవ శాసనం పర్షియన్ భాషలో ఉంది.