ఇదేం వింత శవపేటిక.. స్నికర్స్‌తో బ్రిటిష్ వ్యక్తి అంత్యక్రియలు.. వైరల్ ఫొటో వెనుక అసలు కథ?

సోషల్ మీడియాలో ఓ వింత ఫొటో వైరల్ అవుతోంది.అదేంటంటే, స్నికర్స్ చాక్లెట్​లాంటి శవపేటిక.

చూసినోళ్లంతా "ఇదేం వింత?" అని ముక్కున వేలేసుకుంటున్నారు.అసలు సంగతి ఏంటంటే, బ్రిటన్‌కు చెందిన పాల్ బ్రూమ్ అనే వ్యక్తి చనిపోతే, ఆయన కోసం వాళ్ల కుటుంబ సభ్యులు స్నికర్స్ చాక్లెట్​లాంటి శవపేటికను తయారు చేయించారు.

పాల్ సరదాగా నవ్వుతూ జోకులు వేసుకుంటూ ఉండే మనిషి.ఆయన చివరి కోరిక కూడా అందర్నీ సరదాగా నవ్వించడమేనట.పాల్ బ్రూమ్ ఎప్పుడూ సరదాగా "నేను కాస్త వెర్రి (Nuts)గా ఉంటాను" అని జోకులేసుకునేవాడట.

స్నికర్స్ చాక్లెట్​ యాడ్​లో "ఆకలిగా ఉంటే నువ్వు నువ్వులా ఉండవు" అని వస్తుంది కదా, ఆ స్లోగన్​ను, స్నికర్స్‌లో నట్స్ గుర్తు చేసుకుని ఆయన ఫ్యామిలీ ఇలాంటి శవపేటికను డిజైన్ చేయించింది.దానిపై పెద్ద పెద్ద నట్స్ బొమ్మలు కూడా వేశారు.

అంతేకాదు, "ఐయామ్ నట్స్" అని కూడా రాసి ఉంది.