ఈ కారు ఇండియాలోనే అత్యంత ఖరీదైనది.. దాని ఓనర్ ఎవరో తెలిస్తే!

ప్రముఖ బ్రిటీష్ కార్ల తయారీ సంస్థ బెంట్లీ, ప్రపంచవ్యాప్తంగా ప్రజలు ఇష్టపడే లగ్జరీ కార్లను తయారు చేస్తుంది.

ఇండియాలో కూడా ఆ లక్జరీ కార్లను రిలీజ్ చేస్తుంది.

అయితే భారతదేశంలోనే అత్యంత ఖరీదైన లగ్జరీ కారు అయిన బెంట్లీ ముల్సాన్ EWB సెంటినరీ ఎడిషన్ ఇటీవల బెంగళూరు( Bengaluru )లో కనిపించింది.ఈ ప్రత్యేక కారు ధర అక్షరాలా రూ.14 కోట్లు.ఈ స్పెషల్ లిమిటెడ్ ఎడిషన్ బెంట్లీ యజమాని అంబానీనో లేదా ఆదానీనో అనుకుంటే మీరు పొరపాటు పడినట్లే.

ఎందుకంటే ఈ యజమాని గురించి ఇప్పటివరకు ప్రపంచానికి పెద్దగా తెలియదు.ఆయన పేరు వీ.ఎస్ రెడ్డి అతను బ్రిటిష్ బయోలాజికల్స్ అనే కంపెనీ స్థాపించి దానికి మేనేజింగ్ డైరెక్టర్‌గా వ్యవహరిస్తున్నారు.రెడ్డి లగ్జరీ కార్లకు పెద్ద అభిమాని.

ఇటీవల ఒక ఇంటర్వ్యూలో పాల్గొన్న ఈ కుబేరుడు దేశంలోని అన్ని విభిన్న బ్రాండ్ల నుంచి కార్లను సేకరించాలని తన కోరికను వ్యక్తం చేశారు.అతను బెంట్లీని ప్రసిద్ధ తాజ్ మహల్ లాగా, అందం, వైభవానికి చిహ్నంగా భావిస్తారు.