చుండ్రును శాశ్వ‌తంగా వ‌దిలించే పుదీనా ఆయిల్‌..ఎలా వాడాలంటే?

చుండ్రు.దాదాపు అంద‌రూ ఏదో ఒక స‌మ‌యంలో ఈ స‌మ‌స్య‌ను ఫేస్ చేసే ఉంటారు.

అయితే కొంద‌రిని చుండ్రు వ‌ద‌ల‌నే వ‌ద‌ల‌దు.ర‌క‌ర‌కాల హెయిర్ ప్యాక్స్ వేసుకున్నా, షాంపూల‌ను మార్చిన చుండ్రు పోదు.

దాంతో ఏం చేయాలో తెలియ‌క చివ‌ర‌కు ట్రీట్‌మెంట్ వ‌ర‌కు వెళ్తారు.కానీ, స‌రైన ప‌ద్ధ‌తులు పాటిస్తే సుల‌భంగా ఇంట్లోనే చుండ్రు స‌మ‌స్య‌ను నివారించుకోవ‌చ్చు.

ముఖ్యంగా అందుకు పుదీనా ఆయిల్ అద్భుతంగా స‌మాయ‌ప‌డుతుంది.చండ్రును నివారించ‌డ‌మే కాదు మ‌రిన్ని బెనిఫిట్స్‌ను కూడా ఈ ఆయిల్ అందించ‌గ‌ల‌దు.

మ‌రి పుదీనా ఆయిల్ ను హెయిర్‌కి ఎలా యూజ్ చేయాలో ఆల‌స్యం చేయ‌కుండా ఇప్పుడు తెలుసుకుందాం.ముందుగా ఒక బౌల్ తీసుకుని అందులో అర స్పూన్ పుదీనా ఆయిల్‌, మూడు స్పూన్ల కొబ్బ‌రి నూనె మ‌రియు అర స్పూన్ ఆముదం వేసుకుని బాగా మిక్స్ చేసుకోవాలి.

ఇప్పుడు ఈ ఆయిల్‌ను రాత్రి నిద్రించే ముందు త‌ల‌కు అప్లై చేసుకుని కాసేపు మసాజ్ చేసుకోవాలి.ఉద‌యాన్నే గోరు వెచ్చ‌ని నీటితో త‌ల స్నానం చేయాలి.

ఇలా వారానికి రెండు సార్లు చేస్తే చుండ్రు ప‌రార్ అవ్వ‌డ‌మే కాదు.మ‌ళ్లీ మ‌ళ్లీ రాకుండా కూడా ఉంటుంది.