ఆర్ఆర్ఆర్ లో రామరాజు పాత్రకు చరణ్, భీమ్ పాత్రకు తారక్ ను ఎంచుకోవడానికి కారణాలివే!

టాలీవుడ్ స్టార్ డైరెక్టర్ రాజమౌళి 550 కోట్ల రూపాయల భారీ బడ్జెట్ తో ఆర్ఆర్ఆర్ సినిమాను బడ్జెట్ విషయంలో రాజీ పడకుండా కళ్లు చెదిరే విజువల్స్ తో తెరకెక్కించారు.

ఈ నెల 25వ తేదీన రిలీజ్ కానున్న ఈ సినిమాపై ఇప్పటికే ఇంటర్వ్యూల ద్వారా జక్కన్న అంచనాలను పెంచేశారు.

ఆర్ఆర్ఆర్ లాంటి వెరైటీ టైటిల్ ను ఫిక్స్ చేసి సినిమాను మొదలుపెట్టిన జక్కన్న ఫ్యాన్స్ కు నచ్చడంతో అదే టైటిల్ గా ఫిక్స్ చేశారు.ఆర్ఆర్ఆర్ మూవీ ప్రమోషన్లలో భాగంగా రాజమౌళి ఈ సినిమాకు వేరే టైటిల్స్ ను పరిశీలించలేదని వెల్లడించారు.

రామరాజు పాత్రకు చరణ్ ను, భీమ్ పాత్రకు తారక్ ను తీసుకోవడం గురించి రాజమౌళి స్పందిస్తూ రామ్ పాత్ర ప్రకారం అగ్నిని గుండెలలో దాచుకున్న స్థితప్రజ్ఞత ఉండాలని చరణ్ లో అది ఎక్కువ ఉంటుంది కాబట్టి అతనిని ఆ పాత్రకు ఎంపిక చేశామని తెలిపారు.కష్టం వచ్చినా సుఖం వచ్చినా తొణకడు కాబట్టి ఆ పాత్రను చరణ్ కు ఇచ్చానని రాజమౌళి అన్నారు.