ప్రేమకు సరిహద్దులు, భాషాభేదాలు లేవని మరోసారి నిరూపించారు ఓ జంట. చైనాకు( China ) చెందిన ‘షియావో’( Xiao ) అనే అమ్మాయి, మన ఉత్తరప్రదేశ్ కుర్రాడు ‘అభిషేక్ రాజ్‌పుత్’ను( Abhishek Rajput ) మన హిందూ సంప్రదాయ పద్ధతిలో పెళ్లి చేసుకుంది.
వాళ్ల పెళ్లి వీడియోలు, ఫోటోలు ఇప్పుడు ఇంటర్నెట్‌లో తెగ వైరల్ అవుతూ అందరి మనసులను దోచుకుంటున్నాయి.
వీళ్ల లవ్ స్టోరీ ఎలా మొదలైందంటే, అభిషేక్ ది ఉత్తరప్రదేశ్‌లోని బిజ్నోర్ జిల్లా, చాంద్‌పూర్ ఏరియాలోని మోర్నా గ్రామం.
అతను ఓ సాఫ్ట్‌వేర్ ఇంజనీర్.ఇక పెళ్లికూతురు షియావో కూడా సాఫ్ట్‌వేర్ ఇంజనీరే.
ఆమెది చైనాలోని షాంగ్జీ ప్రావిన్స్‌లో ఉన్న తైయువాన్ నగరం.ఇద్దరూ ఒకే కంపెనీలో పనిచేస్తున్నప్పుడు ఆఫ్రికాలో మొదటిసారి కలిశారు.
అలా పరిచయం కాస్తా స్నేహంగా మారింది.ఆ స్నేహమే మెల్లగా బలపడింది.
ఐదేళ్ల క్రితం, ఇద్దరూ కలిసి చైనాలో జాబ్ చేస్తున్నప్పుడు వాళ్ల స్నేహం ప్రేమగా టర్న్ తీసుకుంది.అప్పటి నుంచి వాళ్లిద్దరి మధ్య బంధం ఇంకా బలపడుతూ వచ్చింది.ఈ జంట మొదట 2024 సెప్టెంబర్ 25న చైనాలో కోర్టు మ్యారేజ్ చేసుకున్నారు.దాంతో వాళ్ల బంధం అధికారికమైంది.కానీ, మన ఇండియన్ స్టైల్‌లో, సాంప్రదాయబద్ధంగా పెళ్లి చేసుకోవాలనేది అభిషేక్ కల.ఈ విషయం షియావోకి చెప్పగానే, ఆమె ఫుల్ హ్యాపీగా ఒప్పుకుంది.అభిషేక్ కలను నిజం చేయడానికి రెడీ అయింది.
వాళ్ల హిందూ సంప్రదాయ వివాహం బిజ్నోర్‌లోని చాంద్‌పూర్‌లో ఉన్న పంచవటి బాంకెట్ హాల్‌లో అంగరంగ వైభవంగా జరిగింది.ఈ పెళ్లి వేడుక చాలా గ్రాండ్‌గా, ఎమోషనల్‌గా సాగింది.పెళ్లికొడుకు, పెళ్లికూతురు ఇద్దరూ అన్ని హిందూ ఆచారాలను పాటించారు.
పూల దండలు మార్చుకునే జైమాల కార్యక్రమం నుంచి, అగ్ని చుట్టూ ఏడడుగులు వేసే పవిత్రమైన ‘సాత్ ఫేరే’ వరకు అన్నీ శాస్త్రోక్తంగా జరిగాయి.ఈ వేడుకలో భారతీయ సంప్రదాయాలు, షియావో చైనీస్ నేపథ్యం కలగలిసి చూడటానికి భలే ముచ్చటగా అనిపించింది.
పాపం, వీసా సమస్యల వల్ల షియావో తల్లిదండ్రులు షిజింగ్, టిన్జున్ వు ఈ పెళ్లికి రాలేకపోయారు.షియావో వాళ్లకి ఒక్కగానొక్క కూతురు.
వాళ్లు లేని లోటు తెలిసినా, పెళ్లి మాత్రం బంధుమిత్రుల ఆశీర్వాదాలతో, సంతోషంగా జరిగిపోయింది.
ప్రస్తుతం ఈ కొత్త జంట ఆఫ్రికాలోని అంగోలాలో నివసిస్తున్నారు.
అక్కడే ‘టిస్టెక్’ అనే కంపెనీలో ఉద్యోగం చేస్తున్నారు.నిజంగా, వాళ్ల కథ వింటే.
ప్రేమకు భాష, దేశం, సంస్కృతి లాంటి హద్దులేవీ అడ్డుకావని క్లియర్‌గా అర్థమవుతుంది.
