యూకే పర్యటనలో జైశంకర్ బిజీబిజీ .. రిషి సునాక్‌కు దీపావళి కానుకలు, ఐదు రోజులు అక్కడే

దీపావళి పర్వదినాన్ని పురస్కరించుకుని భారత విదేశాంగ మంత్రి డాక్టర్ ఎస్ జైశంకర్( External Affairs Minister Dr S Jaishankar ) యూకేలోని బీఏపీఎస్ శ్రీ స్వామి నారాయణ మందిరాన్ని సందర్శించారు.

ఈ సందర్భంగా ప్రపంచవ్యాప్తంగా వున్న భారతీయ సమాజం శాంతి సామరస్యం , శ్రేయస్సును కాంక్షించినట్లు ఆయన తెలిపారు.

ద్వైపాక్షిక సంబంధాలకు చెందిన పలు అంశాలను సమీక్షించడం, స్నేహపూర్వక సంబంధాలకు కొత్త ఊపు అందించే లక్ష్యంతో జైశంకర్ ఐదు రోజుల పాటు బ్రిటన్‌లో పర్యటించనున్నారు.లండన్‌లోని బోచాసన్‌వాసి అక్షర్ పురుషోత్తం స్వామి నారాయణ సంస్థ నిర్వహణలో శ్రీ స్వామి నారాయణ్ మందిర్ వుంది.

ఈ ఆలయాన్ని నీస్‌డెన్ టెంపుల్ ( Neasden Temple )అని కూడా పిలుస్తారు.దీపావళి సందర్భంగా తనకు సమయం కేటాయించినందుకు బీఏపీఎస్ నిర్వాహకులకు జైశంకర్ ధన్యవాదాలు తెలిపారు.