కమండల గణపతి ఆలయం ఎక్కడ ఉంది... ఈ ఆలయ విశిష్టత ఏమిటో తెలుసా?

దేవ దేవతలలో వినాయకుడు సకల దేవతలకు అధిపతి గా చెబుతారు.మనం ఏదైనా కార్యం తలపెట్టినప్పుడు ముందుగా వినాయకుడికి పూజ చేయటం వల్ల ఆ కార్యంలో ఎటువంటి ఆటంకం లేకుండా పూర్తవుతుందని భావిస్తారు.

విజయానికి, జ్ఞానానికి ప్రతీకగా వినాయకుడిని భావిస్తారు.32 రూపాలలో ఉన్న ఈ గణనాథుడిని వివిధ రకాల పేర్లతో పిలిచి పూజిస్తాము.ఈ విధంగానే వినాయకుడు కమండల గణపతిగా పేరు పొంది ఎంతో ప్రసిద్ధి చెందాడు.

అసలు వినాయకుడికి కమండల గణపతి అని పేరు రావడానికి గల కారణం ఏమిటి ఈ ఆలయం ఎక్కడ ఉందో తెలుసుకుందాం.కర్ణాటకలోని చిక్క మంగళూరు జిల్లా కొప్ప పట్టణానికి సమీపంలో ఉన్నటువంటి దట్టమైన అటవీ ప్రదేశంలో ఈ కమండల గణపతి ఆలయం ఉంది.

ఈ ఆలయానికి సుమారు వెయ్యి సంవత్సరాల చరిత్ర ఉందని చెబుతారు.ఈ స్థల పురాణానికి వస్తే శని వక్ర దృష్టి కారణంగా ఎన్నో ఇబ్బందులను ఎదుర్కొంటున్న పార్వతీదేవి ఈ ప్రాంతానికి వచ్చి తపస్సు చేయాలని భావించి వినాయకుడిని ప్రార్థించిందని ఆ సమయంలోనే వినాయకుడు బ్రహ్మచారి రూపంలో కమండలం ధరించి, వినాయకుడి సృష్టించిన తీర్థాన్ని బ్రహ్మ తీర్థం అని చెబుతారు.

ఈ విధంగా వినాయకుడు కమండలం ధరించి ఉండటంవల్ల ఈ ఆలయానికి కమండల గణపతి అనే పేరు వచ్చింది.