వాషింగ్టన్ DC: ఇండియన్ ఎంబసీ ఆఫీసర్ అనుమానాస్పద మృతి..

ఇటీవల వాషింగ్టన్ డీసీలోని( Washington DC ) భారత దౌత్య కార్యాలయంలో( Indian Embassy ) పనిచేసే ఒక అధికారి చిన్న వయసులోనే మృతి చెందారు.

ఆయన మృతదేహం అనుమానాస్పద పరిస్థితుల్లో కనుగొనబడింది.

ఈ ఘటన రెండు రోజుల క్రితం జరిగింది.స్థానిక పోలీసులు, సీక్రెట్ సర్వీస్ ఈ ఘటనను విచారిస్తున్నారు.

ఆ అధికారి ఆత్మహత్య చేసుకున్నారా లేదా అన్న విషయం కూడా విచారణలో భాగంగా ఉంది.వైద్యాధికారులు మాట్లాడుతూ ఆ అధికారి ఉరివేసుకుని చనిపోయాడని ప్రాథమికంగా నిర్ధారించారు.

కానీ అతని గుర్తింపును బయట పెట్టలేదు."ఇండియన్ ఎంబసీకి చెందిన ఒక వ్యక్తి 2024 సెప్టెంబర్ 18వ తేదీ సాయంత్రం మరణించారని విచారంతో తెలియజేస్తున్నాము.

అధికారి మృతదేహాన్ని త్వరగా భారతదేశానికి తీసుకెళ్లడానికి అన్ని సంబంధిత అధికారులు, కుటుంబ సభ్యులతో మాకు సంప్రదింపులు జరుగుతున్నాయి." అని ఇండియన్ ఎంబసీ శుక్రవారం ఒక ప్రకటనలో తెలిపింది.