నాలుగేసి కాళ్లు, చేతులతో పుట్టిన చిన్నారి.. తానున్నానంటూ భరోసానిచ్చిన సోనూసూద్

చేతికి అదనపు వేళ్లతో పుడితేనే చిన్నారులకు ఎంతో ఆత్మనూన్యత ఉంటుంది.

అయితే బీహార్ లోని నెవాడా జిల్లా నివాసి బసంత్ పాశ్వాన్‌ అనే వ్యక్తి కుమార్తె చౌముఖికి ఇదే పరిస్థితి ఉంది.

పుట్టినప్పుడే నాలుగు చేతులు, నాలుగు కాళ్ళతో ఆమె జన్మించింది.దీంతో ఆమెను చూసుకుని మిగిలిన పిల్లలు జడుసుకునే వారు.

ఆమెతో ఆడుకోవడానికి కూడా తోటి వారు భయపడేవారు.ఆ చిన్న అమ్మాయి అదనంగా చేతులు, కాళ్లతో జన్మించినట్లు చూపుతున్న వీడియో ఆన్‌లైన్‌లో కనిపించింది.

కేవలం రెండున్నరేళ్ల బాలిక విషయం సోషల్ మీడియాలో బాగా వైరల్ అయింది.అదనంగా ఉన్న కాళ్లు, చేతులను తొలగించడానికి అయ్యే చికిత్సకు ఆమె తల్లిదండ్రుల వద్ద డబ్బు లేదు.

సోషల్ మీడియాలో చౌముఖి దీనస్థితిని సోనూసూద్‌కు తెలిసింది.దీంతో ఆమెకు సాయం చేసేందుకు సోనూసూద్ ముందుకు వచ్చాడు.

ఆ అమ్మాయికి వైద్య సహాయం నుండి పాఠశాల విద్య వరకు అన్ని ఆర్థిక సహాయం చేస్తామని హామీ ఇచ్చారు.స్థానికంగా పాఠశాల, ఆసుపత్రి నిర్మాణానికి నిధులు మంజూరు చేస్తానని సోనూసూద్ హామీ ఇచ్చారు.

సూద్ హామీ మేరకు సౌర్ పంచాయతీ పరిధిలోని చండీపూర్ గ్రామంలో పాఠశాల, ఆసుపత్రి నిర్మాణానికి 12 ఎకరాల స్థలాన్ని కేటాయించినట్లు రౌత్ తెలిపారు.చౌముఖి గ్రామం కూడా సౌర్ పంచాయతీ పరిధిలోకి వస్తుంది.

సూద్ సలహా మేరకు చౌముఖి, ఆమె తల్లిదండ్రులు శనివారం రౌత్‌తో కలిసి పాట్నాలోని ఐజిఐఎంఎస్‌కు బయలుదేరారు.అంతకుముందు కుటుంబం శుక్రవారం నవాడ పరిపాలనను ఆశ్రయించింది.