'వీరమల్లు' కోసం అన్ని రోజులే కేటాయించిన పవన్.. మరి ముగిసేనా ?

పవర్ స్టార్ పవన్ కళ్యాణ్ ఇటీవలే భీమ్లా నాయక్ సినిమాతో ప్రేక్షకులను పలకరించాడు.

ఈ సినిమా తర్వాత కూడా వరుస సినిమాలు లైన్లో పెట్టడంతో ఆయన ఫ్యాన్స్ సంతోష పడ్డారు.అయితే భీమ్లా నాయక్ సినిమా వచ్చి నెలలు గడుస్తున్న మరో సినిమా షూటింగ్ ను పూర్తి చెయ్యలేదు.పవన్ చేతిలో మూడు ప్రాజెక్టులు ఉన్న కూడా ఈయన సెట్ లోకి అడుగు పెట్టలేదు.

అయితే తాజాగా అందుతున్న సమాచారం ప్రకారం పవన్ మళ్ళీ సినిమాలకు డేట్స్ ఇవ్వాలని ఫిక్స్ అయ్యాడట.పవన్ కళ్యాణ్ ప్రస్తుతం చేస్తున్న సినిమాల్లో హరి హర వీరమల్లు సినిమా ఒకటి.

ఈ సినిమా క్రిష్ జాగర్లమూడి దర్శకత్వంలో తెరకెక్కుతుంది.ఇప్పటికే ఈ సినిమా 60 శాతం షూటింగ్ పూర్తి చేసుకుంది.

ఇంకా 40 శాతం షూటింగ్ మిగిలి ఉండడంతో పవన్ డేట్స్ కోసం ఎదురు చూస్తున్నారు.అయితే ఇప్పుడు పవన్ ఈ సినిమా కోసం 50 రోజుల డేట్స్ కేటాయించినట్టు తెలుస్తుంది.

బస్ యాత్ర పోస్ట్ పోన్ చేసుకున్న పవన్ తాను కమిట్ అయినా సినిమాల కోసం 3 నెలల సమయం కేటాయించగా సగం పూర్తి అయినా వీరమల్లు కోసం 50 రోజులు కేటాయించారట.నవంబర్ నుండి ఈ సినిమా షూట్ స్టార్ట్ అయ్యి డిసెంబర్ లో పూర్తి చేయాలనీ ప్లాన్ చేసుకున్నారని తెలుస్తుంది.