ఇంట్లోనే పార్లర్ గ్లో పొందడానికి ఈ రెమెడీ ని ఫాలో అవ్వండి!

తమ స్కిన్ గ్లోయింగ్ గా మరియు బ్యూటిఫుల్ గా మెరుస్తూ కనిపించాలని ప్రతి ఒక్కరూ ఆరాటపడుతుంటారు.

అందులో భాగంగానే కొందరు నెలకు ఒకటి లేదా రెండు సార్లు బ్యూటీ పార్లర్ కి వెళ్లి ఫేషియల్, టాన్ రిమూవ్ తదితర ట్రీట్మెంట్స్ చేయించుకుంటూ ఉంటారు.

ఇందుకోసం వేలకు వేలు ఖర్చు పెడుతుంటారు.కానీ పైసా ఖర్చు లేకుండా ఇంట్లోనే పార్లర్ గ్లో పొందవచ్చు.

అందుకు ఇప్పుడు చెప్పబోయే హోమ్ రెమెడీ చాలా ఎఫెక్టివ్ గా సహాయపడుతుంది.మరి ఇంత‌కీ ఆ హోమ్‌ రెమెడీ ఏంటో లేట్ చేయకుండా ఓ లుక్కేసేయండి.

ముందుగా ఒక చిన్న బంగాళదుంప(potato) తీసుకుని వాటర్ తో శుభ్రంగా క‌డిగి పీల్ తొలగించి ముక్కలుగా కట్ చేసుకోవాలి.అలాగే ఒక చిన్న టమాటోను(Tomato) కూడా ముక్కలుగా కట్ చేసుకోవాలి.

ఇప్పుడు మిక్సీ జార్ తీసుకుని అందులో క‌ట్ చేసి పెట్టుకున్న‌ బంగాళదుంప ముక్కలు, టమాటో ముక్కలు వేసి మెత్తగా గ్రైండ్ చేసుకోవాలి.ఇలా గ్రైండ్ చేసుకున్న మిశ్రమంలో వన్ టేబుల్ స్పూన్ శనగపిండి(Besan flour), రెండు టేబుల్ స్పూన్లు పెసర పిండి(Moong flour), వన్ టేబుల్ స్పూన్ పెరుగు(curd) వేసుకుని బాగా మిక్స్ చేసుకోవాలి.