కాంగ్రెస్ నుంచే  పోటీ ? క్లారిటీ ఇచ్చేస్తున్న రాజగోపాల్ రెడ్డి  ? 

మునుగోడు మాజీ ఎమ్మెల్యే , బీజేపీ నేత కోమటిరెడ్డి రాజగోపాల్ రెడ్డి( Komatireddy Rajagopal Reddy ) వ్యవహారం ఆ పార్టీతో , పాటు తెలంగాణ రాజకీయ వర్గాలలోను  చర్చనీయాంశంగా మారింది.

గతంలో అనేకసార్లు మునుగోడు( Munugodu ) ఎమ్మెల్యేగా పనిచేసిన రాజగోపాల్ రెడ్డి ఈసారి మాత్రం బిజెపి( BJP ) నుంచి మునుగోడులో పోటీ చేసేందుకు ఏమాత్రం ఇష్టపడడం లేదు.

మునుగోడులో బిజెపి అభ్యర్థిగా పోటీ చేస్తే ఓటమి తప్పదనే సర్వే నివేదికలతో రాజగోపాల్ రెడ్డి వెనకడుగు వేస్తున్నారు.దీనికి తోడు ఆయన చాలా రోజులుగా తిరిగి కాంగ్రెస్ లో( Congress Party ) చేరాలనే ఆలోచనతో ఉన్నట్లుగా ప్రచారం జరుగుతుంది.

ఇటీవల కాలంలో కాంగ్రెస్ బాగా బలం పుంజుకోవడం,  పెద్ద ఎత్తున నాయకులు కాంగ్రెస్ లో చేరుతుండటంతో కర్ణాటక అసెంబ్లీ ఎన్నికల ఫలితాల ప్రభావం,  తెలంగాణలో బీ ఆర్ ఎస్,   కాంగ్రెస్ ల మధ్య ప్రధాన పోటీ ఉండబోతుందనే సర్వే నివేదికలతో రాజగోపాల్ రెడ్డి ఆలోచనలో పడ్డారు.