గడ్డకట్టే నీళ్లలో 9 రోజులు ఆగకుండా ఈతకొట్టిన ఎలుగుబంటి.. ఎన్ని కి.మీ ప్రయాణించిందంటే..?

తొమ్మిది రోజులపాటు గడ్డకట్టే నీళ్లలో ఆగకుండా ఈదుతూ ఉండటం అసాధ్యం కదా, కానీ ఒక ఆడ ధృవపు ఎలుగుబంటి ఆ అసాధ్యాన్ని సుసాధ్యం చేసి చూపించింది.

అలాస్కాకు( Alaska ) ఉత్తరాన ఉన్న మంచుగడ్డ కట్టిన బ్యూఫోర్ట్ సముద్రం మీదుగా ఏకంగా 687 కిలోమీటర్లు ఒక్క బ్రేక్ లేకుండా ఈదింది.

ఈ అద్భుతమైన ప్రయాణాన్ని శాస్త్రవేత్తలు 2011లోనే గుర్తించారు.కానీ ఆ ఎలుగుబంటి( Bear ) ఈత కొడుతున్న వీడియో ఇటీవల సోషల్ మీడియాలో మళ్లీ వైరల్( Viral ) కావడంతో, వాతావరణ మార్పులు, వన్యప్రాణులపై దాని ప్రభావం గురించి చర్చలు మళ్లీ మొదలయ్యాయి.ఎక్స్‌లో షేర్ చేసిన ఈ వీడియోలో, ఎలుగుబంటి మంచు నీటిలో ఈదుతూ ఉండటం ఏరియల్ వ్యూలో రికార్డ్ చేశారు.2008లోనే US జియోలాజికల్ సర్వే శాస్త్రవేత్తలు ఈ ఎలుగుబంటికి రేడియో కాలర్ అమర్చారు.ఆ రేడియో కాలర్ ద్వారానే ఈ తొమ్మిది రోజుల ప్రయాణాన్ని ట్రాక్ చేశారు.

ఆహారం కోసం, మంచుగడ్డ కోసం వెతుకుతూ అది చేసిన నిస్సహాయ ప్రయత్నంలో భాగంగానే ఈ సుదీర్ఘ ఈత సాగింది.