అప్పుడే ముహూర్తం పెట్టేసారా ? మీరు మాములోళ్లు కాదు సామి 

ఏపీలో సార్వత్రిక ఎన్నికల తంతు ముగిసింది.ఫలితాల కోసమే అంత వెయిటింగ్.

  జూన్ 4వ తేదీన వెలువడనున్న  ఫలితాలు ఏ విధంగా ఉంటాయనేది అందరికీ టెన్షన్ పుట్టిస్తుంది.

  ఈ ఎన్నికల్లో కచ్చితంగా తామే గెలుస్తామనే ధీమాతో వైసిపి ( YCP ) ఉండగా,  వైసీపీ పాలనపై జనాలు విసుగెత్తిపోయారని,  కచ్చితంగా టిడిపి, జనసేన ,బిజెపి కూటమి నే గెలిపిస్తారని , కూటమిలోని  పార్టీలు ధీమాతో ఉన్నాయి.

  ఎవరికి వారు గెలుపు పై ఈ ధీమాను ప్రదర్శిస్తున్నారు .ఇది ఇలా ఉంటే వైసిపి మరో అడుగు ముందుకేసి జగన్( Jagan ) రెండో ప్రమాణ స్వీకారానికి ముహూర్తాన్ని కూడా ఖరారు చేసింది.ఇప్పటికే జగన్ విశాఖలో ప్రమాణ స్వీకారం చేస్తానని ప్రకటన చేయడంతో,  వైసిపి నాయకులు దీనికి అనుబంధంగా తమదైన శైలిలో కామెంట్స్ చేస్తున్నారు.

కచ్చితంగా తము గెలుస్తామని, అందుకే జగన్ అంత ధీమా గా ప్రమాణ స్వీకారం విశాఖలో చేస్తామని చెప్పారని వైసీపీ నేతలు చెబుతున్నారు.