Bangalore : వైరల్: బెంగళూరు వీధుల్లో యాపిల్ విజన్ ప్రో ధరించి యువకుడు చక్కర్లు..

బెంగళూరు( Bangalore ) నగరం టెక్నాలజీ, ఇన్నోవేషన్లకు కేరాఫ్ అడ్రస్.ఇక్కడి ప్రజలు ఎప్పుడూ కొత్త గ్యాడ్జెట్లు, ఆవిష్కరణలపై ఆసక్తి చూపుతారు.

మార్కెట్లోకి ఏ అద్భుతమైన పరికరం వచ్చినా వీళ్ళు వెంటనే కొనేస్తారు.ఇటీవల యాపిల్ విజన్ ప్రో హెడ్‌సెట్ లాంచ్ అయిన సంగతి తెలిసిందే.

ఇది ఇండియాలో ఇంకా రిలీజ్ కాలేదు.అయినా బెంగళూరు వాసులు మాత్రం అప్పుడే కొనేసినట్లున్నారు.

ఇది వాస్తవ ప్రపంచంలో డిజిటల్ మీడియాను చూడటానికి, డిజిటల్ మీడియాతో ఇంట్రాక్ట్ కావడానికి యూజర్లను అనుమతిస్తుంది.హెడ్‌సెట్‌లో డయల్‌ను తిప్పడం ద్వారా వర్చువల్ వాతావరణానికి కూడా మారవచ్చు.

యాపిల్ విజన్ ప్రో హెడ్‌సెట్( Apple Vision Pro Headset ) చాలా ఖరీదైనది, దీని ధర అమెరికాలో సుమారు మూడు లక్షలు.భారతదేశంలో ఇంకా అందుబాటులో లేదు.

కానీ కొంతమంది దీనిని యునైటెడ్ స్టేట్స్ నుంచి దిగుమతి చేసుకున్నారు, ఈ యాపిల్ విజన్ ప్రో 2024, ఫిబ్రవరి 2న లాంచ్ అయింది.వరుణ్ మయ్య అనే బెంగుళూరు వాసి దీనిని కొనుగోలు చేశాడు.

ఇటీవల రద్దీ ప్రాంతమైన ఇందిరానగర్ వీధుల్లో ఈ హెడ్‌సెట్ ధరించి కెమెరాలుకు చిక్కాడు.