'మెగా 157'పై హైప్ పెంచేస్తున్న డైరెక్టర్.. చిరు రోల్ అలా ఉండబోతుందట!

మెగాస్టార్ చిరంజీవి యంగ్ డైరెక్టర్లకు అవకాశాలు ఇస్తూ జెట్ స్పీడ్ తో సినిమాలు చేస్తున్నారు.

ఇటీవలే చిరంజీవి కొత్తగా మరో రెండు సినిమాలను లైన్లో పెట్టిన విషయం తెలిసిందే.

గత నెలలో మెగాస్టార్ పుట్టిన రోజు సందర్భంగా రెండు కొత్త ప్రాజెక్టులను ప్రకటించారు.అందులో మెగా 157 ఒకటి.

ఈ సినిమాను యూవీ క్రియేషన్స్ వారు భారీ స్థాయిలో నిర్మించనున్నారు.ఈ సినిమా అనౌన్స్ మెంట్ పోస్టర్ కూడా అదిరిపోయింది.

ఇక ఈ సినిమాను బింబిసార డైరెక్టర్ వసిష్ఠ మల్లిడి( Mallidi Vasishta ) తెరకెక్కిస్తున్న విషయం విదితమే.బింబిసార వంటి హిట్ అందుకున్న వసిష్ఠ మెగాస్టార్ తో కూడా మంచి కంటెంట్ ఉన్న సినిమాను తీయబోతున్నట్టు తెలుస్తుంది.

పంచభూతాల కాన్సెప్ట్ తో ఈ సినిమా తెరకెక్కనుందని పోస్టర్ ద్వారా చెప్పకనే చెప్పారు.అలాగే ఈసారి ఈ సినిమా గ్రాఫిక్స్ కోసం హాలీవుడ్ కంపెనీ పని చేయనుందని సమాచారం.