ప్రపంచ యుద్ధాల్లో పోరాటం .. యూకేలోని ఇండియా గేట్‌లో భారత సైనికుల సంస్మరణ కార్యక్రమం

ఆగ్నేయ ఇంగ్లాండ్‌లోని బ్రైటన్ సముద్ర తీర రిసార్ట్‌లోని స్థానిక కౌన్సిల్ ఈ అక్టోబర్ నుంచి పట్టణంలోని ఇండియాగేట్ మెమోరియల్( Indiagate Memorial ) వద్ద రెండు ప్రపంచ యుద్ధాలలో పాల్గొన్న భారతీయ సైనికులను స్మరించుకోవడానికి ప్రణాళికలను ఆమోదించింది.

ఇండియా గేట్‌ను భారత యువరాజులు, ప్రజలు బ్రైటన్ వాసులకు అందించారని కౌన్సిల్ ప్రశంసించింది.

అక్టోబర్ 26, 1921న పాటియాలా మహారాజా భూపిందర్ సింగ్ ( Maharaja Bhupinder Singh of Patiala )చేతుల మీదుగా ఇండియా గేట్‌ను ఆవిష్కరించారు.రాయల్ పెవిలియన్ దక్షిణ ప్రవేశ ద్వారం వద్ద ఇది వుంది.

బ్రైటన్‌లోని మూడు భవనాలలో బేస్ హాస్పిటల్‌గా అవిభక్త భారతదేశానికి చెందిన సైనికులకు చికిత్స అందించింది.వెస్ట్రన్ ఫ్రంట్‌లో భారత్, పాకిస్తాన్, బంగ్లాదేశ్, నేపాల్, మయన్మార్, భూటాన్ దేశాల సైనికులు వున్నారు.

సంస్మరణ దినాన్ని నిర్వహించడం ద్వారా .యుద్ధంలో బ్రిటన్( Britain ) కోసం పోరాడిన అవిభక్త భారత సైనికుల జ్ఙాపకాలను నగరం భద్రంగా కాపాడుతుందని బ్రైటన్ అండ్ హోవ్ కౌన్సిల్ పేర్కొంది.శుక్రవారం జరిగిన సమావేశంలో ఈ నివేదికను ఆమోదించారు.

ఈ కీలక చరిత్రను సమకాలీన తరాల వారు విస్తృతంగా అర్ధం చేసుకుని, గుర్తించేలా చూసుకోవచ్చని కౌన్సిల్ పేర్కొంది.ఇండియా గేట్ ముఖ్యమైన చారిత్రక సందర్భం, పెవిలియన్ ఎస్టేట్ ఇటీవలి చరిత్రలో పెరిగిన ఆసక్తిని దృష్టిలో వుంచుకుని అంతర్జాతీయ ఖ్యాతికి నిదర్శనమని వ్యాఖ్యానించింది.