Adah Sharma: ఆ సమస్యతో బాధపడుతున్నా.. త్వరలోనే కలుస్తాను : అదాశర్మ

తెలుగు ప్రేక్షకులకు హీరోయిన్ అదా శర్మ( Adah Sharma ) గురించి ప్రత్యేకంగా చెప్పనక్కర్లేదు.

మొదట హార్ట్ ఎటాక్ సినిమాతో తెలుగు సినిమా ఇండస్ట్రీకి హీరోయిన్ గా ఎంట్రీ ఇచ్చింది ఈ ముద్దుగుమ్మ.

మొదటి సినిమాతోనే భారీగా పాపులారిటీని సంపాదించుకుంది.తన అందం అభినయంతో ప్రేక్షకులను ఆకట్టుకుంది.

ఆ తర్వాత సన్నాఫ్‌ సత్యమూర్తి, సుబ్రమణ్యం ఫర్‌ సేల్‌, కల్కి తదితర సినిమాల్లో హీరోయిన్‌గా, సెకెండ్‌ లీడ్ గా చేసింది.ఇన్ని సినిమాలలో నటించినప్పటికీ ఆమెకు సరైన గుర్తింపు దక్కలేదు.

కానీ ఇటీవల నటించిన ది కేరళ స్టోరీ( The Kerala Story ) సినిమాతో ఒక్కసారిగా ఈమెకు భారీగా గుర్తింపు దక్కింది.ముఖ్యంగా ఇందులో అదా శర్మ ప్రధాన పాత్రలో నటించిన ఈ మూవీ ఎంతటి సెన్సేషన్‌ క్రియేట్‌ చేసిందో ప్రత్యేకంగా చెప్పనక్కర్లేదు.

కేరళలో వెలుగు చూసిన లవ్‌ జిహాద్‌ నేపథ్యం ఆధారంగా ది కేరళ స్టోరీ తెరకెక్కింది.మొదట పెద్ద ఎత్తున విమర్శలు వివాదాలు చుట్టు ముట్టినప్పటికీ ఆ తర్వాత ఈ సినిమా సెన్సేషన్ ను సృష్టిస్తూ భారీగా కలెక్షన్లు సాధించింది.తక్కువ బడ్జెట్ తో రూపొందిన ఈ సినిమా కూడా రూ.200 కోట్లకు పైగా వసూళ్లు రాబట్టడంతో పాటు అదాకు దేశవ్యాప్తంగా భారీగా గుర్తింపు దక్కింది.ఇకపోతే ప్రస్తుతం ఈ ముద్దుగుమ్మ హిందీ తమిళ సినిమాలలో నటిస్తూ బిజీ బిజీగా గడుపుతోంది.

కానీ గత రెండు మూడు రోజులుగా ఈ ముద్దుగుమ్మ హెల్త్ కండిషన్ అంతగా బాగోలేదు అంటూ వార్తలు వినిపిస్తున్న సంగతి తెలిసిందే.