నీ స్థాయిని దిగజార్చుకుంటున్నావ్‌ అంటూ సూర్యపై సోషల్‌ మీడియాలో ట్రోల్స్‌

తమిళ ఆడియన్స్ తో పాటు దేశ వ్యాప్తంగా సూర్యకు ఉన్న అభిమానులు సోషల్‌ మీడియాలో ఆయనపై ఆగ్రహం వ్యక్తం చేస్తున్నారు.

కొందరు మరీ కఠువుగా ట్రోల్స్ చేస్తున్నారు.

తనకు తానుగా తన స్థాయిని దిగజార్చుకునేలా ఆయన నిర్ణయాలు ఉంటున్నాయి అంటూ సూర్య అభిమానులు ఆవేదన వ్యక్తం చేస్తున్నారు.సూర్య డబ్బుల కోసం ఇలా చేస్తున్నాడు అంటూ కొందరు అభిప్రాయం వ్యక్తం చేస్తుంటే మరి కొందరు మాత్రం సూర్య పనైపోయిందా అన్నట్లుగా కామెంట్స్‌ చేస్తున్నారు.

మొత్తానికి సూర్యను స్వయంగా అభిమానులు ఏకి పారేస్తున్నారు.ఆయన్ను ఇంతగా ట్రోల్‌ చేయడంకు కారణం ఆయన తాజాగా నటిస్తున్న జై భీమ్‌ సినిమా.

సూర్య లాయర్‌ గా కనిపించబోతున్న జై భీమ్‌ సినిమా ఫస్ట్‌ లుక్‌ ఇటీవలే ప్రేక్షకుల ముందుకు వచ్చింది.ఆ సినిమాకు సంబంధించిన లుక్ విడుదల అయినప్పటి నుండి అంచనాలు పీక్స్ కు వెళ్లి పోతున్నాయి.

జై భీమ్‌ సినిమాలో ఒక గిరిజన మహిళ కోసం న్యాయ పోరాటం చేసే లాయర్ పాత్రలో సూర్య కనిపించబోతున్నాడు.పింక్ మరియు వకీల్‌ సాబ్‌ తరహాలోనే ఈ సినిమా కాస్త అటు ఇటుగా ఉంటుందని భావిస్తున్నారు.

ఆకాశమే నీ హద్దు వంటి సినిమా తర్వాత జై భీమ్‌ తో రాబోతున్న కారణంగా ఖచ్చితంగా సూర్యకు ఇది మంచి విజయాన్ని తెచ్చి పెడుతుందని అంతా నమ్మకంగా ఉన్నారు.ఇలాంటి సమయంలో సూర్య తన జై భీమ్‌ సినిమాను థియేటర్ల ద్వారా కాదు ఓటీటీ లో విడుదల చేస్తానంటూ ప్రకటించాడు.

నవంబర్‌ లో ఈ సినిమాను అమెజాన్ ప్రైమ్‌ ద్వారా విడుదల చేయబోతున్నట్లుగా అధికారికంగా ప్రకటన వచ్చింది.దాంతో అంతా కూడా అవాక్కవుతున్నారు.సూర్య జై భీమ్‌ ను థియేటర్లలో విడుదల చేయాలని చాలా మంది కోరుకుంటున్నారు.

ఎందుకంటే నవంబర్ వరకు థియేటర్లు పునః ప్రారంభం అవ్వడం తో పాటు తప్పకుండా మంచి ఆధరణ దక్కించుకుంటాయి.కనుక మంచి వసూళ్లు వచ్చే అవకాశం ఉంటుంది.అందుకే ఈ సినిమాను థియేటర్లలో విడుదల చేయడం లేదని ఆయన్ను ట్రోల్‌ చేస్తున్నారు.