చూపు లేకపోయినా 6 ప్రభుత్వ ఉద్యోగాలకు ఎంపికైన యువతి.. సక్సెస్ కు ఫిదా అవ్వాల్సిందే!

ప్రస్తుత పోటీ ప్రపంచంలో ఒక ప్రభుత్వ ఉద్యోగం సాధించాలంటే ఎంతో కష్టపడాల్సి ఉంటుంది.చూపు లేని వాళ్లు ప్రభుత్వ ఉద్యోగం సాధించాలంటే ఎన్నో సవాళ్లు ఎదురవుతాయి.

ఒక యువతి చూపు లేకపోయినా 6 ప్రభుత్వ ఉద్యోగాలు( 6 Govt Jobs ) సాధించడం ద్వారా వార్తల్లో నిలిచారు.ఈమె సక్సెస్ స్టోరీ నెటిజన్లను సైతం ఆశ్చర్యపరుస్తోందని కామెంట్లు వ్యక్తమవుతూ ఉండటం గమనార్హం.

పట్టుదల, కృషి, కసితో కెరీర్ పరంగా సక్సెస్ సాధించిన శ్రీ పూజిత ( Sri Poojita )సక్సెస్ స్టోరి నెట్టింట వైరల్ అవుతోంది.తెలంగాణ రాష్ట్రంలోని నల్గొండకు చెందిన శ్రీపూజిత పదో తరగతి వరకు నల్గొండ అంధుల పాఠశాలలో చదివారు.

హైదరాబాద్ లోని సాయి అంధుల కాలేజ్ లో ఆమె ఇంటర్ పూర్తి చేశారు.ఆ తర్వాత డిగ్రీ బీఏ, పీజీ హిస్టరీ, బీఈడీ చదివిన శ్రీ పూజిత జాతీయ స్థాయిలో నిర్వహించే నెట్ పరీక్షకు సైతం అర్హత సాధించడం గమనార్హం.