ఫోటో షేర్ చేస్తూ మరొకసారి కంటతడి పెట్టించిన సోనాలీ !

టాలీవుడ్ లో సోనాలీ బింద్రే పేరు తెలియని వారు ఉండరంటే అతిశయోక్తి కాదేమో.అంతలా అభిమానుల గుండెల్లో స్థానం సంపాదించుకుంది.

ఆమె నటించిన ప్రేమికుల రోజు సినిమాలో తన అందంతో కుర్రకారు మనసు దోచుకుందనే చెప్పాలి.తెలుగులో మురారి వంటి బ్లాక్ బస్టర్ సినిమాలో నటించి మంచి గుర్తింపు తెచ్చుకుంది.

తర్వాత బాలకృష్ణ, చిరంజీవి, నాగార్జున వంటి స్టార్స్ సరసన నటించి స్టార్ హీరోయిన్ గా రాణించింది.తెలుగుతో పాటు హిందీ, తమిళం లో కూడా సోనాలీ చాలా సినిమాలు చేసి స్టార్ హీరోయిన్ గా ఎదిగింది.

ఇలా జీవితం సాఫీగా సాగుతున్న సమయంలో సోనాలీ కాన్సర్ బారిన పడడంతో అభిమానులు ఒక్కసారిగా షాక్ అయ్యారు.ఈ వార్త విని అభిమానులతో పాటు సినీ ప్రముఖులు కూడా ఆమె త్వరగా కోలుకోవాలని కోరుకున్నారు.

ఈ మధ్యే కాన్సర్ నుండి కోలుకుని మళ్ళీ కొత్త జీవితాన్ని ప్రారంభించింది.ఆమె కాన్సర్ తో బాధపడుతున్న సమయంలో ఉన్న ఒక ఫోటోను ప్రస్తుతం ఉన్న ఫొటో తో జత చేసి సోషల్ మీడియాలో షేర్ చేసింది.