సాయి పల్లవి, రానా 'విరాటపర్వం' ప్రివ్యూ

సాయి పల్లవి మరియు రానా ప్రధాన పాత్రల్లో వేణు ఉడుగుల దర్శకత్వంలో రూపొందిన విరాటపర్వం సినిమా రేపు ప్రేక్షకుల ముందుకు రాబోతుంది.

ఈ సినిమా ఎన్నో అడ్డంకులు ఎదుర్కొంది.

సినిమా ప్రారంభం అయిన కొన్ని రోజులకే హీరో రానా కు అనారోగ్య సమస్యలు తలెత్తాయి.దాంతో అమెరికాలో రానా చాలా నెలల పాటు ఉండాల్సి వచ్చిందంటూ అప్పట్లో వార్తలు వచ్చాయి.

తిరిగి వచ్చాక విరాటపర్వం సినిమాను పూర్తి చేయాలని భావించారు.అంతలోనే కరోనా ఎటాక్ అయ్యి షూటింగ్ కు అంతరాయం కలిగింది.

కరోనా బ్రేక్ ఇచ్చిన సమయంలో విరాటపర్వం సినిమాను పూర్తి చేశారు.దాంతో సినిమా ను విడుదల చేస్తాం అని అనుకుంటున్న సమయంలో మళ్లీ కరోనా మొదలు అయ్యింది.

అప్పటి నుండి విరాట పర్వంను ఓటీటీ ద్వారా విడుదల చేయబోతున్నట్లుగా వార్తలు వచ్చాయి.ఆ విషయం లో దర్శకుడు వేణు ఉడుగుల పలు సందర్బాల్లో క్లారిటీ ఇచ్చాడు.