రాజకీయ ముదురు పీకే ! టీడీపీ తో డీల్ వెనుక ఆ పార్టీ ?  

ప్రముఖ రాజకీయ వ్యూహకర్త ప్రశాంత్ కిషోర్( Prashant Kishor ) ఏపీ రాజకీయాలను గజిబిజి చేసేశారు.2019 ఎన్నికల్లో టిడిపి ఓటమికి కారణమైన ప్రశాంత్ కిషోర్ ఇప్పుడు అదే టిడిపిని గెలిపించే బాధ్యతలను తీసుకోవడం పెద్ద కలకలం సృష్టిస్తోంది.

రాజకీయాల్లో శాశ్వత మిత్రులు శాశ్వత శత్రువులు ఉండరు అనే సామెతను పీకే నిజం చేసేసారు.

  టిడిపి జాతీయ ప్రధాన కార్యదర్శి నారా లోకేష్( Nara Lokesh ) తో కలిసి ఒకే విమానంలో, ఒకే వాహనంలో విజయవాడలోని ఉండవల్లి లోని చంద్రబాబు నివాసానికి వెళ్లారు.టిడిపి కోసం రాజకీయ వ్యూహాలు అందించేందుకు ప్రశాంత్ కిషోర్ ఒప్పందం కుదుర్చుకున్నట్లు సమాచారం.

  అధికారకంగా దీనిపై త్వరలో ప్రకటన కూడా చేయబోతున్నారట .అయితే ఉన్నట్టుండి ప్రశాంత్ కిషోర్ ఈ నిర్ణయం తీసుకోవడం వెనుక కారణాలు ఏమిటి అనేదానిపై వైసీపీ కూడా ఆరాతీస్తోంది.ఇక ఏపీ,  తెలంగాణ రాజకీయ వర్గాల్లోనూ ప్రశాంత్ కిషోర్ నిర్ణయంపై ఆసక్తికరమైన చర్చ జరుగుతుంది.