పవన్ కళ్యాణ్ వకీల్ సాబ్ రివ్యూ అండ్ రేటింగ్

పవర్ స్టార్ పవన్ కళ్యాణ్ నటిస్తున్న తాజా చిత్రం వకీల్ సాబ్ కోసం యావత్ ప్రేక్షకులు ఎంత ఆసక్తిగా ఎదురుచూస్తున్నారో మనందరికీ తెలిసిందే.

ఈ సినిమాతో దాదాపు మూడేళ్ల తరువాత పవన్ రీఎంట్రీ ఇస్తుండటంతో, వకీల్ సాబ్ చిత్రం ఎలాంటి రికార్డులు క్రియేట్ చేస్తుందా అని అందరూ చూస్తున్నారు.

ఇక బాలీవుడ్‌లో వచ్చిన ‘పింక్’ చిత్రానికి రీమేక్‌గా ఈ సినిమా రావడంతో పవన్ ఈ సినిమాతో ఎలాంటి రికార్డులు క్రియేట్ చేస్తాడా అని అందరూ ఆసక్తిగా చూస్తున్నారు.ఇక నేడు ప్రపంచవ్యాప్తంగా రిలీజ్ అయిన వకీల్ సాబ్ చిత్రం ప్రేక్షకులను అంచనాలను ఎంతమేర అందుకుందో రివ్యూలో చూద్దాం.

వకీల్ సాబ్ కథ విషయానికి వస్తే, ఓ కేసులో అన్యాయంగా జైలుపాలైన వేముల పల్లవి(నివేదా థామస్)ను కాపాడేందుకు సత్యదేవ్(పవన్ కళ్యాణ్) అనే లాయర్‌ను కలుస్తుంది అంజలి.అయితే ప్రత్యర్థులు సత్యదేవ్ ఈ కేసును వాదించవద్దంటూ బెదిరిస్తారు.

దీంతో సత్యదేవ్, పల్లవి అండ్ ఫ్రెండ్స్ కేసును వాదించేందుకు సిద్ధమవుతాడు.కట్ చేస్తే.

డిఫెన్స్ లాయర్ నంద(ప్రకాష్ రాజ్)తో సత్యదేవ్ పోటాపోటీగా ఈ కేసును వాదిస్తాడు.మరి ఈ కేసును సత్యదేవ్ గెలుస్తాడా లేడా? అసలు పల్లవి అండ్ ఫ్రెండ్స్ ఎందుకు అరెస్ట్ అవుతారు? సత్యదేవ్ ఫ్లాష్‌బ్యాక్ ఎపిసోడ్ ఏమిటి? అనే విషయాలను వెండితెరపై చూసి తెలుసుకోవాల్సిందే.

ఈ సినిమాను దర్శకుడు వేణు శ్రీరామ్ మలిచిన తీరు అద్భుతం అని చెప్పాలి.ఓ రీమేక్ చిత్రంలో పెద్ద మార్పులు చేస్తే ఆ సినిమా అసలుకే ఎసరు పెట్టే అవకాశం ఉంటుంది.కానీ వకీల్ సాబ్ చిత్రం మెయిన్ ప్లాట్‌ను ఏమాత్రం మార్చకుండా, కేవలం హీరో పాత్రను ఎలివేట్ చేసేందుకు కొన్ని కొత్త సీన్స్, ట్రాక్‌లను యాడ్ చేసి దర్శకుడు తన ప్రతిభను చాటుకున్నాడు.

ఇక ఈ సినిమాకు మరో మేజర్ అసెట్ థమన్ అందించిన సంగీతం.ఇప్పటికే వకీల్ సాబ్ పాటలు ప్రేక్షకులను ఆకట్టుకోగా, ఈ సినిమాలో ఆయన అందించిన బీజీఎం సినిమాకు పూర్తి బలాన్ని ఇచ్చింది.

ఈ సినిమాను దిల్ రాజు భారీ బడ్జెట్‌తో ఎందుకు తీశాడో, సినిమాలోని సీన్స్‌ను చూస్తే మనకే అర్థమవుతుంది.ఇక నటీనటుల విషయానికి వస్తే, పవర్‌ఫుల్ లాయర్ పాత్రలో పవన్ తనదైన మార్క్ వేసుకున్నాడు.

ఈ సినిమాలో పవన్ యాక్టింగ్ సరికొత్తగా అనిపిస్తుంది.ఆయన కళ్లతో పలికించే ఎమోషన్స్‌కు థియేటర్లలో విజిల్స్ పడ్డాయి.

అటు నంద పాత్రలో ప్రకాష్ రాజ్ కూడా గట్టి పోటీ ఇచ్చాడు.నివేధా థామస్, అంజలి, అనన్యాలు తమ పాత్రలకు పూర్త న్యాయం చేశారు.

ఈ సినిమాతో పవన్ కళ్యాణ్ ఫ్యాన్స్ ఆకలి ఎట్టకేలకు తీరిందనే చెప్పాలి.

చివరగా:

వకీల్ సాబ్ - కోర్టు రూమ్‌లో ‘పవర్’ఫుల్ పర్ఫార్మెన్స్!

రేటింగ్:

3.5/5.0.