సందీప్ రెడ్డి వంగా డైరక్షన్ లో మిస్టర్ కూల్.. అదిరిపోయిందగా!

Padma Lingam

News Reporter

2025-03-18   18:44:27  IST

ఇండియన్ క్రికెట్‌లో లెజెండ్‌గా, సూపర్ కూల్ కెప్టెన్‌గా పేరు తెచ్చుకున్న ఎంఎస్ ధోని( MS Dhoni ) మరోసారి వార్తల్లో నిలిచాడు.

Ad

అతని స్ట్రాటజీలు, ఆటతీరు మాత్రమే కాదు, స్క్రీన్‌పై కూడా ఆకట్టుకునే విధంగా తన టాలెంట్‌ను చూపిస్తున్నాడు.

ఇక మరోవైపు సందీప్ రెడ్డి వంగా,( Sandeep Reddy Vanga ) అర్జున్ రెడ్డి, కబీర్ సింగ్ లాంటి బ్లాక్ బస్టర్ సినిమాలకు దర్శకత్వం వహించిన ప్రతిభావంతుడు.అతని తాజా చిత్రం యానిమల్( Animal ) ఘన విజయం సాధించడంతో దేశవ్యాప్తంగా సంచలనంగా మారింది.

ఈ ఇద్దరి కలయికలో వచ్చిన తాజా యాడ్ ఇప్పుడు సోషల్ మీడియాలో వైరల్‌గా మారింది.

ధోని త్వరలో ఐపీఎల్ 2025( IPL 2025 ) (18వ సీజన్) కోసం మైదానంలో అడుగుపెట్టబోతున్నాడు.అయితే, క్రికెట్‌కు ముందే, ధోని తనలోని ‘యానిమల్’ను బయటికి తెచ్చేశాడు.అవును మీరు చదివింది నిజమే! ధోని, దర్శకుడు సందీప్ రెడ్డి వంగా కలిసి EMotorad అనే ఎలక్ట్రిక్ సైకిల్ కంపెనీ కోసం ఓ ఫన్నీ యాడ్ షూట్ చేశారు.

ఈ యాడ్‌లో ధోని బాలీవుడ్ స్టార్ రణ్‌బీర్ కపూర్ ‘యానిమల్’ చిత్రంలోని ఓ పవర్‌ఫుల్ సీన్‌ను రీక్రియేట్ చేశాడు.రణ్‌బీర్ సినిమాలో తన కారు నుంచి స్టైలిష్‌గా దిగిపోతూ, తన గ్యాంగ్‌తో కలిసి రోడ్డు దాటే సన్నివేశం గుర్తుందా? అదే తరహాలో ఈ యాడ్‌లో ధోని ఎలక్ట్రిక్ సైకిల్‌పై స్టైలిష్‌గా రోడ్డు దాటుతుంటాడు.ఈ ప్రకటనలో సందీప్ రెడ్డి వంగా, ధోని మధ్య ఫన్నీ సంభాషణలు కూడా ఉన్నాయి.

వీటి వలన యాడ్ మరింత ఆకర్షణీయంగా మారింది.