ఆ ఇంటి పెరట్లో దూరిన సింహం.. అధికారులు రెక్కీ నిర్వహించి చూసి బిత్తరపోయారు!

అతడొక తోటమాలి.రోజూ పని చేసినట్టే తన యజమాని ఇంటి పెరడులో యేవో కలుపు మొక్కలు పీకుతున్నాడు.

ఆరోజు అతని యజమానులు కూడా పనిమీద బయటకు వెళ్లారు.అలా పని చేస్తుండగా గార్డెన్‌లోని మొక్కలకు నీళ్లు పోసే క్రమంలో ఏ మొక్కని వదలకుండా నీళ్లు పడుతున్నారు.

ఇంతలో సడెన్ గా ఓ మొక్కదగ్గర సమీపంలో చెట్ల మధ్య నక్కి ఉన్న సింహాన్ని చూసి భయాందోళనకు గురి అయ్యాడు.వెంటనే అక్కడి నుంచి ఒక్క ఉదుటున పరుగెత్తుతూ ఫారెస్ట్ డిపార్ట్‌మెంట్‌కు ఫోన్ చేశాడు.

వెంటనే అలెర్టైన్ అధికారులు.సింహాన్ని బంధించేందుకు అవసరమైన సరంజామాతో అక్కడికి చేరుకున్నారు.

ఆ తోటమాలి చెప్పిన ఆనవాలును చూసుకొని ఎప్పుడు దొరుకుతుందా, పట్టుకుంటామా అనే ఉత్కంఠతతో ఆ స్థలాన్ని గాలిస్తున్నారు.ఆ క్షణం రానే వచ్చింది.

సరిగ్గా ఆ తోమాలి చెప్పిన స్థలంలోనే ఆ సింహం వుంది.ఎక్కడికి కదలలేదు.అధికారులు కూడా ఒకింత భయంతోనే ముందుకు అడుగులు వేస్తున్నారు.

ఇక దానికి మూడింది, దొరికిపోయింది అనుకొనే లోపే ఓ వింత జరిగింది.అవును.ఆ అధికారులు ఆ సింహంలో కదలికలు లేవని గ్రహించారు.

దగ్గరకు వెళ్లగా.అప్పుడు అసలు విషయం రివీలైంది.

విషయం ఏమంటే, అది ఓ అందమైన, దట్టమైన షాపింగ్ బ్యాగ్.