జాతీయ పార్టీలోకి లక్ష్మీనారాయణ .. కీలక నియోజకవర్గంపై కన్నేసిన మాజీ CBI అధికారి

ఆమ్ ఆద్మీ పార్టీ ఇటీవలి కాలంలో  బలమైన రాజకీయ శక్తిగా ఎదుగుతూ వస్తుంది.ఇప్పుడు పార్టీ  ఆ పార్టీ దక్షిణాదిలో  విస్తరించాలని చూస్తుంది.

  ముందుగా తెలుగు రాష్ట్రాల్లో విస్తరించాలని చూస్తోంది. ఆంధ్రప్రదేశ్‌లో, పార్టీ బాధ్యతలను తమ భుజాలపై మోయగల సరైన నాయకుడి కోసం ఆప్ అన్వేషణలో ఉంది.

ఆప్ కు  సరైన అభ్యర్థి దొరికినట్లు కనిపిస్తోంది,  సీబీఐ మాజీ జాయింట్ డైరెక్టర్ వివి లక్ష్మీ నారాయణ పార్టీ బాధ్యతలు ఇవ్వనున్నట్లు తెలుస్తుంది.లక్ష్మీనారాయణ  పరిచయం లేని పేరు.

  వాలంటరీ రిటైర్మెంట్ (VRS) తీసుకున్న తర్వాత, అతను జనసేన నుండి వైజాగ్ పార్లమెంట్ స్థానానికి పోటీ చేశాడు. ముక్కోణపు పోరులో ఆయనకు 2.88 లక్షల ఓట్లు వచ్చినా అనుహ్యంగా ఓడిపోయారు. ఇక లక్ష్మీనారాయణ జనసేనలో ఎక్కువ రోజులు నిలవలేదు. 2020 జనవరిలో పార్టీని వీడి, అప్పటి నుంచి ప్రధాన స్రవంతి రాజకీయాలకు దూరంగా ఉన్నారు.

ఏదేమైనప్పటికీ, వైజాగ్ నుండి లోక్‌సభకు ప్రాతినిధ్యం వహించాలనేది మాజీ CBI అధికారి కల.అతను 2024లో మళ్లీ పోటీ చేయాలనే ఆసక్తితో ఉన్నాడు.స్వతంత్ర అభ్యర్థిగా పోటీ చేయకుండా  ఏదైనా రాజకీయ పార్టీలో చేరవచ్చని రాజకీయ విశ్లేషకులు ఊహిస్తున్నారు.

తాజాగా లక్ష్మీనారాయణ ఒక స్వచ్ఛంద సంస్థను ప్రారంభించి సామాన్యులకు సామాజిక సేవకు శ్రీకారం చుట్టారు. వైజాగ్ స్టీల్ ప్లాంట్‌ను ప్రైవేటీకరించినందుకు బిజెపి ప్రభుత్వాన్ని లక్ష్మీ నారాయణ తప్పుపట్టారు.

 ఆయన ఆందోళనలకు ద్వారా ప్రజల మద్దతు పొందగలిగాడు.లక్ష్మీ నారాయణ పోరాటం చూసి ఆప్ ఆయనను సంప్రదించినట్లు సమాచారం.

 ఆప్‌కి చెందిన ఓ కీలక నేత లక్ష్మీనారాయణతో తరచూ టచ్‌లో ఉంటూ ఏపీలో జరుగుతున్న రాజకీయ పరిణామాలన్నింటినీ గమనిస్తున్నారు. ఇప్పటివరకు AAP  లక్ష్మీ నారాయణ మధ్య కీలక చర్చలు జరగలేదు ఇది అతి త్వరలో జరిగే అవకాశం ఉంది.

ఏకంగా లక్ష్మీనారాయణను లోక్‌సభకు కాకుండా అసెంబ్లీకి పోటీ చేయమని సన్నిహితులు సలహా ఇచ్చినట్లు వినికిడి. వైజాగ్ నార్త్ అసెంబ్లీ నియోజక వర్గంలో లక్ష్మీ నారాయణ వర్గానికి తగిన ఓటు బ్యాంకు ఉంది.