టీడీపీ జనసేన ఉమ్మడి మ్యానిఫెస్టో ! ఏ ఏ హామీలు ఇస్తున్నారంటే.. ? 

ఇప్పటికే ఏపీలో పొత్తు కొనసాగిస్తున్న టిడిపి , జనసేన పార్టీలు రాబోయే సార్వత్రిక ఎన్నికలను దృష్టిలో పెట్టుకుని ఉమ్మడి మేనిఫెస్టో ప్రకటించేందుకు సిద్ధమవుతున్నాయి.

ఇప్పటికే సూపర్ సిక్స్ పేరుతో ఆరు హామీలను ప్రకటించగా, 11 హామీలను కొత్తగా మేనిఫెస్టోలో చేర్చబోతున్నారు.

ఈ మేరకు టిడిపి జనసేన ఉమ్మడి మేనిఫెస్టో కమిటీ సమావేశం తాజాగా జరిగింది.టిడిపి నుంచి ముగ్గురు , జనసేన నుంచి ముగ్గురు సభ్యులతో ఈ కమిటీ భేటీ అయింది.

టిడిపి సీనియర్ నేత యనమల రామకృష్ణుడు( Yanamala Rama Krishnudu ), అశోక్ బాబు , పట్టాభి,  టిడిపి నుంచి హాజరుకాగా,  జనసేన నుంచి వరప్రసాద్,  ముత్త శశిధర్ హాజరయ్యారు.ఈ సందర్భంగా సంక్షేమంతో కూడిన అభివృద్ధి మేనిఫెస్టో కమిటీ చర్చించి ముఖ్యంగా నిరుద్యోగ యువతకు 10 లక్షల వరకు రాయితీ , ఆక్వా , ఉద్యాన,  పాడి రైతులకు మెరుగైన ప్రోత్సాహకాలు,  అమరావతి రాజధానిగా కొనసాగింపు , అలాగే పేదలకు ఉచిత ఇసుక కార్మిక సంక్షేమం , బీసీలకు రక్షణ చట్టం రద్దు చేసిన సంక్షేమ పథకాల పున పరిశీలన వంటివి మేనిఫెస్టోలో చేర్చబోతున్నట్లు కమిటీ పేర్కొంది.