ఇజ్రాయెల్ - హమాస్( Israel–Hamas ) యుద్ధం నానాటికీ తీవ్ర రూపు దాల్చుతోంది.
ఈ ప్రాంతంలో శాంతి నెలకొనేలా చేసేందుకు అంతర్జాతీయ సమాజం తీవ్రంగా కృషి చేస్తోంది.
కానీ పరిస్థితులు అందుకు భిన్నంగా వున్నాయి.హమాస్ను పూర్తిగా నేలమట్టం చేసేవరకు తగ్గేది లేదని ఇజ్రాయెల్ ప్రధాని బెంజిమన్ నెతన్యాహూ స్పష్టం చేశారు.
మరోవైపు ఈ యుద్ధ బాధితులకు మానవతా సాయం అందిస్తోన్న సామాజిక కార్యకర్తలు ప్రాణాలు కోల్పోతున్నారు.తాజాగా ఓ భారతీయుడు అలాగే మరణించాడు.
ఐక్యరాజ్యసమితికి చెందిన భారతీయుడు గాజాలో సహాయ కార్యక్రమాల్లో పాల్గొంటున్నాడు.ఈ క్రమంలో రఫాలోని యూరోపియన్ ఆసుపత్రికి ఐరాస సిబ్బంది వెళ్తుండగా ఈ దాడి జరిగింది.ఈ ఘటనలో ఆయన ప్రాణాలు కోల్పోగా.
మరొకరు తీవ్రంగా గాయపడ్డారు.మృతుడు ఐక్యరాజ్యసమితిలోని భద్రత, రక్షణ విభాగంలో పనిచేస్తున్నారు.
ఆయన పేరు, ఇతర వివరాలు మాత్రం ఇంకా తెలియరాలేదు.కానీ సదరు వ్యక్తి గతంలో భారత సైన్యంలో పనిచేసినట్లుగా కథనాలు వస్తున్నాయి.
ఇజ్రాయెల్ - హమాస్ యుద్ధం నేపథ్యంలో ఐరాస సిబ్బంది మరణించడం ఇదే తొలిసారి.
ఈ ఘటనపై ఐక్యరాజ్యసమితి సెక్రటరీ జనరల్ ఆంటోనియో గుటెరస్( Antonio Guterres ) తీవ్ర విచారం వ్యక్తం చేశారు.యుద్దం కారణంగా సామాన్యులతో పాటు మానవతా సాయం అందజేస్తున్న సిబ్బంది సైతం ప్రాణాలు కోల్పోతున్న నేపథ్యంలో వెంటనే కాల్పుల విరమణ ఒప్పందం చేసుకోవాలని గుటెరస్ అన్నారు.దాడి ఘటనపై సమగ్ర దర్యాప్తు జరగాలని.
బందీలను హమాస్( Hamas ) సైతం విడిచిపెట్టాలని ఆయన సూచించారు.కాగా.
ఈ నెల ప్రారంభంలోనూ గాజాలోకి మానవతా సాయం పంపడానికి వినియోగిస్తున్న కెరోమ్ షాలోమ్ క్రాసింగ్పై హమాస్ రాకెట్లతో దాడి చేయడం కలకలం రేపింది.ఈ ఘటనలో ఏడుగురు ఇజ్రాయెల్ సైనికులు తీవ్రంగా గాయపడ్డారు.
గాజాకు మానవతా సాయం అడ్డుకునేందుకే హమాస్ ఈ దాడికి పాల్పడిందని ఇజ్రాయెల్ ఆరోపించగా.తాము ఐడీఎఫ్ కార్యాలయంపైనే దాడి చేశామని హమాస్ చెబుతోంది.
తాజా వార్తలు
Download App
Channels
HomeEnglish NewsTeluguStop Exclusive StoriesFlash/Breaking NewsTrending NewsPoliticalMovieHealth TipsCrime NewsMovie ReviewsNRI NewsViral VideosBhakthi/DevotionalPress ReleasesViral StoriesQuotesPhoto TalksBaby Boy NamesBaby Girl NamesCelebrity ProfilesFollow Us!
Contact Us!
TeluguStop.com Media, Siya Residency, Sri Sri Circle, Khammam, Telangana- 507002info@telugustop.comPh No : 999-279-9973
About Us!
About UsJobsAdvertisingDMCA / RemovalTerms of UsePrivacy Policy