దూరపు కొండలు నునుపు.. కెనడా వెళ్లడంపై భారతీయుడి ఎమోషనల్ పోస్ట్

వృత్తి, ఉద్యోగ, వ్యాపారాల కోసం భారతీయులు విదేశాలకు వెళ్తున్న సంగతి తెలిసిందే.అయితే దేశం కానీ దేశంలో వారు పలు సవాళ్లను ఎదుర్కొంటున్నారు.

తాజాగా ఓ వ్యక్తి పరాయి దేశంలో భారతీయ విద్యార్ధులు ఎదుర్కొనే కఠినమైన వాస్తవాలను బహిర్గతం చేస్తూ తాను కెనడాకు (canada)వెళ్లిన తర్వాత ఎదుర్కొన్న అంశాలపై కీలక విషయాలను పంచుకున్నాడు.తాను కెనడాకు ఎందుకు వెళ్లానా అని చింతిస్తున్నానని ఆ వ్యక్తి రెడ్డిట్‌లో పోస్ట్ చేశాడు.

ప్రస్తుతం కెనడాలో(canada) నివసిస్తున్న ఆ వ్యక్తి.పశ్చిమ దేశాలలో సంపన్నమైన జీవితం అనేది ఒక భ్రమ తప్పించి మరొకటి కాదని వలసదారులను హెచ్చరించాడు.

కెనడా ప్రభుత్వం , అక్కడి విద్యాసంస్థలు వ్యాపార సాధనంగా పిలిచే అంతర్జాతీయ విద్యార్ధులను ఎలా దోపిడి చేస్తున్నారో అతను కళ్లకు కట్టినట్లుగా వివరించాడు.చాలా మంది విద్యార్ధులు అధిక ఫీజులు వసూలు చేస్తూ నాసిరకం విద్యను అందించే ప్రైవేట్ లేదా తక్కువ ర్యాంక్ ఉన్న సంస్థలలో చేరుతున్నారని చెప్పాడు.

ఆ విద్యాసంస్థలలో ప్రొఫెసర్లు చాలా కష్టపడతారని, పాఠ్యాంశాలు చాలా పాతవని.ఆ డిగ్రీలు జాబ్ మార్కెట్‌కు పనికిరావని తెలిపాడు.