పెద్ద మనసు చాటుకున్న ఎన్ఆర్ఐ జంట .. టెక్సాస్‌లో తొలి హిందూ క్యాంప్‌సైట్‌ కోసం రూ.14 కోట్ల విరాళం

అమెరికాలోని హ్యూస్టన్‌లో స్థిరపడిన ఎన్ఆర్ఐ జంట తన పెద్ద మనసు చాటుకుంది.టెక్సాస్‌లో( Texas ) తొలి హిందూ క్యాంప్‌సైట్ నిర్మాణానికి గాను 1.

75 మిలియన్ డాలర్లు (భారత కరెన్సీలో 14 కోట్లు) విరాళంగా అందించారు.ఇది నిర్మాణం పూర్తయితే ప్రతి ఏడాది వేసవిలో హెరిటేజ్ యూత్ క్యాంప్‌లను నిర్వహిస్తారు.

విద్యను అందించే పాఠశాలలు, కళాశాలల మాదిరిగానే హిందూ హెరిటేజ్ యూత్ క్యాంపులు, లైఫ్ మౌల్డింగ్ ఎడ్యుకేషన్‌ను అందిస్తున్నాయని నిర్వాహకులు తెలిపారు.మెగా విరాళం అందించిన సుభాష్ గుప్తా,( Subhash Gupta ) సరోజినీ గుప్తాలు( Sarojini Gupta ) మాట్లాడుతూ.

ఈ శిబిరం రాబోయే రోజుల్లో క్లిష్టమైన విలువలు, నైపుణ్యాలను పెంపొందిస్తుందని ఆకాంక్షించారు.ఈ శిబిరం పట్ల మక్కువ చూపుతున్నామని గుప్తా దంపతులు తెలిపారు.రాబోయే తరానికి మనం చేయగలిగిన మంచిపని ఇదేనని సుభాష్ పేర్కొన్నారు.

మనం ఇప్పటికే ఈ దేశంలో యువతను కోల్పోతున్నామని.వారికి మన హిందూ ధర్మం పట్ల ఆసక్తి లేదని ఆవేదన వ్యక్తం చేశారు.

అందువల్ల యువతలో హిందూ ధర్మం పట్ల ఆసక్తిని పెంపొందించడానికి ఎంత చేస్తే అంత మంచిదన్నారు.