24 ఏళ్లకే తనువు చాలించిన చైనా ఇన్‌ఫ్లుయెన్సర్.. కారణం తెలిస్తే కన్నీళ్లు ఆగవు!

చైనాకు చెందిన 24 ఏళ్ల కాస్‌ప్లే ఇన్‌ఫ్లుయెన్సర్ షి యే అలియాస్ మాయోయౌయూ(For China, cosplay influencer, Shi Ye alias Maoyouyu) ఇక లేరు.ఆమె మరణవార్త వింటే కన్నీళ్లు ఆగవు.

ఆమె ఆర్థిక ఇబ్బందులతో సతమతమవుతూ తిండి కూడా తినలేకపోయిందని సమాచారం.ఫిబ్రవరి 25న ఆమె చనిపోయినట్లు కుటుంబ సభ్యులు సౌత్ చైనా మార్నింగ్ పోస్ట్ ద్వారా ధృవీకరించారు.

మరణించడానికి సరిగ్గా ఒక్కరోజు ముందు, ఫిబ్రవరి 24న మాయోయౌయూ లైవ్‌స్ట్రీమ్ (MayoYouYou Livestream)నిర్వహించారు.తనకిష్టమైన యానిమే క్యారెక్టర్‌లా డ్రెస్(Dress up as an anime character) చేసుకున్నా కూడా ఆమె చాలా నీరసంగా, మానసికంగా కృంగిపోయినట్లు కనిపించారు.లైవ్‌స్ట్రీమ్‌లో తన మానసిక ఆరోగ్య సమస్యల గురించి చెప్పుకొచ్చారు.కొంతకాలంగా ఆరోగ్యం బాగోలేదని, బీజింగ్‌లో అద్దెకు ఉంటున్న ఫ్లాట్ రెంట్ కట్టడానికి కూడా డబ్బుల్లేవని ఆవేదన వ్యక్తం చేశారు.

ఆమె చాలా బలహీనంగా ఉన్నారని, ఆకలి కూడా తగ్గిపోయిందని లైవ్ చూస్తున్నవాళ్లు కామెంట్ చేశారు.రెండు రోజులుగా తిండి తినలేదని కూడా ఆమె స్వయంగా చెప్పారు.

వైద్యం కోసం ప్రయత్నించినా హాస్పిటల్ అపాయింట్‌మెంట్ దొరకలేదు.చివరికి చనిపోయే కొద్ది గంటల ముందు సోషల్ మీడియాలో “మనం మళ్ళీ ఎప్పటికీ కలుసుకోలేము” అని పోస్ట్ పెట్టారు.ఇది ఆమె వీడ్కోలు సందేశమేనని చాలామంది నమ్ముతున్నారు.ఇంకా షాకింగ్ విషయం ఏంటంటే.ఆమె మరణించింది సాయంత్రం 5:20 గంటలకు.ఇది ఆమె పుట్టినరోజు అయిన మే 20 (5/20)కి సరిగ్గా మ్యాచ్ అవ్వడం మరింత కలచివేస్తోంది.

మాయోయౌయూ చైనా కాస్‌ప్లే కమ్యూనిటీలో బాగా పాపులర్.యానిమే కన్వెన్షన్‌లలో రెగ్యులర్‌గా పాల్గొనేవారు.తన కాస్‌ప్లే ఫొటోలు, వీడియోలను సోషల్ మీడియాలో షేర్ చేసేవారు.చైనాలోని ఓ పాపులర్ సోషల్ మీడియా ప్లాట్‌ఫామ్‌లో ఆమెకు 51,000 మంది ఫాలోవర్లు ఉన్నారు.ఆమె జ్ఞాపకార్థం సోషల్ మీడియా అకౌంట్లు, ఫోన్ నంబర్‌ను క్లోజ్ చేయకూడదని కుటుంబ సభ్యులు నిర్ణయించారు.“ఇంకా చాలామంది ఆమెను ప్రేమిస్తున్నారని మాకు తెలుసు.అందుకే వాటిని అలానే ఉంచాలని అనుకుంటున్నాం” అని ఆమె కుటుంబం ఒక ప్రకటనలో తెలిపింది.