వైద్య రంగంలో కృషి.. ఇండో అమెరికన్ కాంగ్రెస్ సభ్యుడు అమీబెరాకు ప్రతిష్టాత్మక అవార్డ్..!!

భారత సంతతికి చెందిన అమెరికన్ రాజకీయ వేత్త, యూఎస్ కాంగ్రెస్ సభ్యుడు డాక్టర్ అమీబెరా( Dr.Amibera ) ప్రతిష్టాత్మక ‘‘ఛాంపియన్ ఆఫ్ హెల్త్‌కేర్ ఇన్నోవేషన్ అవార్డు’’( Champion of Healthcare Innovation Award )ను అందుకున్నారు.

అమెరికాలో నాణ్యమైన వైద్యాన్ని అందబాటులోకి తీసుకొచ్చేందుకు చేసిన కృషికి గాను ఆయనకు ఈ అవార్డ్ ప్రదానం చేశారు.58 ఏళ్ల అమీబెరా.యూఎస్ కాంగ్రెస్‌లో ఎక్కువ కాలం పనిచేసిన భారతీయ అమెరికన్‌గా నిలిచిన సంగతి తెలిసిందే.

గత వారం వాషింగ్టన్‌లో జరిగిన కౌన్సిల్ ఇన్నోవేషన్ ఎక్స్‌పోలో ఆయన అవార్డు అందుకున్నారు.దీనిపై డాక్టర్ అమీబెరా స్పందిస్తూ ఒక వైద్యుడిగా ప్రతి అమెరికన్‌కు అధిక నాణ్యత, మంచి హెల్త్ కేర్ వుండేలా కృషి చేయడానికి కట్టుబడి వున్నానని అన్నారు.