త్వరపడండి.. భారతీయ పోస్టల్ లో 21,413 భర్తీకి నోటిఫికేషన్ విడుదల

ఇండియా పోస్టల్ డిపార్ట్‌మెంట్‌ భారీ సంఖ్యలో గ్రామీణ్ డాక్ సేవక్( GDS ) పోస్టుల భర్తీకి నోటిఫికేషన్ విడుదల చేసింది.

ఇందులో భాగంగా దేశవ్యాప్తంగా మొత్తం 21,413 ఖాళీలను భర్తీ చేయనున్నారు.

ఇందులో ఆంధ్రప్రదేశ్‌లో( Andhra Pradesh ) 1215, తెలంగాణలో( Telangana ) 519 ఖాళీలు ఉన్నాయి.ఈ పోస్టులకు పదో తరగతి అర్హతతో పాటు కంప్యూటర్‌ జ్ఞానం కలిగిన వారు అర్హులు.

అభ్యర్థులు ఆన్‌లైన్‌లో మార్చి 3, 2025 వరకు దరఖాస్తు చేసుకోవచ్చు.గ్రామీణన్ డాక్ సేవక్ కింద బ్రాంచ్ పోస్ట్ మాస్టర్( BPM ), అసిస్టెంట్ బ్రాంచ్ పోస్ట్ మాస్టర్( ABPM ), డాక్ సేవక్ పోస్టులను భర్తీ చేయనున్నారు.

ఇక ఈ నోటిఫికేషన్ ప్రకారం.ముఖ్యమైన తేదీల విషయానికి వస్తే.

ఫిబ్రవరి 10, 2025 నుండి దరఖాస్తు ప్రారంభం కాగా.మార్చి 3, 2025 దరఖాస్తు చేసుకోవడానికి చివరి తేదీ.

చివరిలో కరెక్షన్ విండో మార్చి 6 నుండి మార్చి 8 వరకు ఓపెన్ చేస్తారు.అభ్యర్థులు పదో తరగతి( 10th Class ) ఉత్తీర్ణులై ఉండాలి.

కంప్యూటర్‌ స్కిల్‌ తప్పనిసరి.సైకిల్ లేదా స్కూటర్ నడిపే నైపుణ్యం కలిగి ఉండాలి.

వయోపరిమితి విషయానికి వస్తే.కనీస వయసు 18 సంవత్సరాలు ఉండగా.

గరిష్ట వయసు 40 సంవత్సరాలుగా నిర్ణయించారు.నిబంధనల ప్రకారం వయసులో సడలింపు లభిస్తుంది.