ఖలిస్తాన్ ఉగ్రవాదుల బెదిరింపులు.. కెనడాలో ఘనంగా జరిగిన భారత స్వాతంత్య్ర దినోత్సవ వేడుకలు

77వ భారత స్వాతంత్య్ర దినోత్సవ వేడుకలు( 77th Independence Day Celebrations ) మనదేశంతో పాటు ప్రపంచవ్యాప్తంగా వున్న భారత రాయబార కార్యాలయాలు, మిషన్‌ల వద్ద ఘనంగా జరిగాయి.

పలు దేశాల్లో స్థిరపడిన ప్రవాస భారతీయులు కూడా వేడుకల్లో పాల్గొన్నారు.

ఇక ఖలిస్తాన్( Khalistan ) ఉగ్రవాదుల బెదిరింపుల మధ్యే కెనడాలోనూ జెండా పండుగ ఘనంగా జరిగింది.కెనడాలోని భారతీయ మిషన్‌లలో( India’s Missions ) జాతీయ జెండా రెపరెపలాడింది.

వాంకోవర్‌లోని భారత కాన్సులేట్ కార్యాలయం వెలుపల మంగళవారం మధ్యాహ్నం పలువురు నిరసనకారులు ఆందోళనకు దిగడంతో పాటు భారత జాతీయ పతాకాన్ని తగులబెట్టారు.అయితే ఉదయం త్రివర్ణ పతాకావిష్కరణతో పాటు స్వాతంత్య్ర వేడుకలకు ఎలాంటి ఆటంకాలు ఎదురవ్వలేదు.

అలాగే ఒట్టావా, టొరంటోలోని భారత కాన్సులేట్ కార్యాలయాల్లోనూ నిరసనకారుల ప్రభావం కనిపించలేదు.స్వాతంత్య్ర దినోత్సవానికి ముందు ఖలిస్తానీ గ్రూపులు భారత రాయబారులను టార్గెట్ చేస్తూ బెదిరింపులకు పాల్పడిన నేపథ్యంలో వారికి భారీ భద్రత కల్పించింది కెనడా ప్రభుత్వం.