వింటర్ లో సీజనల్ వ్యాధులకు దూరంగా ఉండాలనుకుంటే ఈ డ్రై ఫ్రూట్ ను మీరు తినాల్సిందే!

ప్రస్తుతం వింటర్ సీజన్ ( Winter season )నడుస్తోంది.చలిపులి రోజు రోజుకు విజృంభిస్తూ పంజా విసురుతోంది.

వాతావరణంలో వచ్చే మార్పుల కారణంగా చలికాలంలో జలుబు, జ్వరం, ఫ్లూ, శ్వాస సంబంధిత సమస్యలు చాలా ఇబ్బంది పెడుతుంటాయి.అయితే ఈ సీజనల్ వ్యాధులకు దూరంగా ఉండాలి అనుకుంటే కచ్చితంగా మీరు అంజీర్ తినాల్సిందే.

కొంచెం ఖరీదైన డ్రై ఫ్రూట్స్ లో అంజీర్ కూడా ఒకటి.ప్రత్యేకమైన రుచిని కలిగి ఉండే అంజీర్( fig ) ఎన్నో విలువైన పోషకాలను కలిగి ఉంటుంది.

ఆరోగ్యపరంగా అనేక ప్రయోజనాలు చేకూరుస్తుంది.ముఖ్యంగా ప్రస్తుత చలికాలంలో రోజుకు రెండు అంజీర్ లను తిన‌డం చాలా మంచిదని ఆరోగ్య నిపుణులు సూచిస్తున్నారు.

అంజీర్‌లో విటమిన్ ఎ( Vitamin A ) మరియు విట‌మిన్ సి మెండుగా ఉన్నాయి, ఇవి రోగ నిరోధక వ్యవస్థను( Immune system ) బలోపేతం చేస్తాయి.అనారోగ్యాలతో పోరాడటానికి శరీరాన్ని దృఢంగా తయారు చేస్తాయి.

అలాగే వింట‌ర్ లో చలి తీవ్ర‌ను తట్టుకోలేక ఎంతో మంది ఇబ్బంది పడుతుంటారు.అయితే అంజీర్ శరీరంలో వేడిని పెంచి చలిని తట్టుకునే సామర్థ్యాన్ని అందిస్తుంది.