టైటానిక్ బాధితుడి లేఖకు రికార్డు స్థాయిలో రూ.3.35 కోట్లు.. ఆ లేఖలో ఏముందో తెలిస్తే షాకే..!

సరిగ్గా ఏప్రిల్ 1912, 10న, అంటే కల్నల్ గ్రేసీ సౌతాంప్టన్‌లో టైటానిక్ ఎక్కిన రోజే ఈ ఉత్తరం రాశారు.దీన్ని “జరగబోయేది ముందే చెప్పినట్లుంది” అని అంటున్నారు.ఎందుకంటే, ఆ ఉత్తరంలో తన స్నేహితుడితో, “ఈ అద్భుతమైన షిప్ గురించి నా అభిప్రాయం చెప్పాలంటే, నా ప్రయాణం ముగిసేదాకా ఆగాల్సిందే” అని రాశారు.పాపం, ఆ మాట రాసిన ఐదు రోజులకే, టైటానిక్ ఓ మంచుకొండను ఢీకొని ఉత్తర అట్లాంటిక్‌ మహాసముద్రంలో మునిగిపోయింది.

ఆ సమయంలో టైటానిక్‌లో దాదాపు 2,200 మంది ప్రయాణికులు, సిబ్బంది ఉన్నారు.వారిలో 1,500 మందికి పైగా ఆ ఘోర ప్రమాదంలో ప్రాణాలు కోల్పోవడం అత్యంత విషాదకరం.

కల్నల్ గ్రేసీ ఫస్ట్-క్లాస్ ప్యాసెంజర్.తన క్యాబిన్ C51 నుంచి ఈ లెటర్ రాశారు.1912, ఏప్రిల్ 11న టైటానిక్ ఐర్లాండ్‌లోని క్వీన్స్‌టౌన్‌లో ఆగింది.అప్పుడే దీన్ని పోస్ట్ చేశారు.

ఆ తర్వాత ఏప్రిల్ 12న లండన్‌లో దీనిపై పోస్ట్ మార్క్ వేశారు.ఈ అమ్మకంతో ఇప్పుడు కొత్త రికార్డు నమోదైంది.

టైటానిక్‌లో ప్రయాణిస్తూ రాసిన ఓ ఉత్తరానికి ఇంత భారీ ధర పలకడం చరిత్రలో ఇదే తొలిసారి.

ఆ ఘోర ప్రమాదం నుంచి కల్నల్ గ్రేసీ ఎలా బయటపడ్డారనేది కూడా ఓ అద్భుతమైన కథ.ఆయన తర్వాత “ది ట్రూత్ ఎబౌట్ ది టైటానిక్” (The Truth About The Titanic) అనే పుస్తకం రాశారు.అందులో తన ఒళ్లు గగుర్పొడిచే అనుభవాన్ని వివరించారు.

గడ్డకట్టే చలిలో, సముద్రంలో తలకిందులైన లైఫ్‌బోట్‌పైకి ఎక్కి ప్రాణాలు కాపాడుకున్నానని చెప్పారు.అయితే, ఆ లైఫ్‌బోట్‌పైకి ఎక్కిన చాలా మంది తర్వాత చలికి, నీరసానికి తట్టుకోలేక చనిపోయారని కూడా ఆయన బాధతో తెలిపారు.టైటానిక్ మునిగిపోయినప్పుడు గ్రేసీ ప్రాణాలతో బయటపడినా, ఆ ప్రమాదం ఆయన ఆరోగ్యాన్ని తీవ్రంగా దెబ్బతీసింది.1912, డిసెంబర్ 2న ఆయన కోమాలోకి వెళ్లిపోయారు.రెండు రోజుల తర్వాత, డయాబెటిస్ సంబంధిత సమస్యలతో కన్నుమూశారు.