2021 లో నాలుగు గ్రహణాలు.. మరి ఇండియాలో కనిపించేవి రెండే..!

2020 వ సంవత్సరంలో మొత్తం ఆరు గ్రహణాలు ఏర్పడిన సంగతి మనకు తెలిసిందే.ఇందులో రెండు సూర్య గ్రహణాలు కాగా, నాలుగు చంద్ర గ్రహణాలు ఏర్పడ్డాయి.

అయితే ఈ ఏడాది 2021 లో ప్రపంచం మొత్తం నాలుగు గ్రహణాలు కనువిందు చేయనున్నాయి.వీటిలో ఒక సంపూర్ణ సూర్యగ్రహణం, సంపూర్ణ చంద్రగ్రహణంతో కలిపి మొత్తం నాలుగు గ్రహణాలు ఏర్పడతాయి.

ఈ నాలుగులో భారతదేశంలో కేవలం రెండు గ్రహణాలు మాత్రమే కనువిందు చేస్తాయని ఉజ్జయిన్‌కు చెందిన జివాజీ అబ్జర్వేటరీ సూపరింటెండెంట్ రాజేంద్రప్రకాష్ గుప్త్ తెలిపారు.ఈ ఏడాదిలో మొదట చంద్రగ్రహణం మే 26న పశ్చిమ బెంగాల్, ఒడిస్సా, సిక్కిం మినహా ఈశాన్య రాష్ట్రాలలో చంద్రగ్రహణం కనువిందు చేయనుంది.

సూర్యుడు చంద్రుల మధ్య భూమి వచ్చినప్పుడు చంద్రుని కాంతి భూమిపై పడకుండా ఏర్పడే గ్రహణాన్ని చంద్రగ్రహణం అంటారు.భూమి 101.6 శాతం చంద్రుడిని కప్పివేస్తుందని రాజేంద్ర ప్రకాష్ తెలియజేశారు.అదేవిధంగా జూన్ 10 తేదీన ఏర్పడే సూర్యగ్రహణం భారతదేశంలో కనిపించదని తెలిపారు.