అశ్వగంధ ఆరోగ్యానికి మంచిదే.. కానీ అలా వాడితే చాలా డేంజ‌ర్‌..!

అశ్వగంధ.ఎన్నో ఔష‌ధ గుణాలు ఉన్న మొక్క‌.ఆయుర్వేద వైద్యం లో విరి విరిగా ఉప‌యోగించే అశ్వగంధకు.

కింగ్ ఆఫ్ ఆయుర్వేద అనే పేరు కూడా ఉంది.ఆరోగ్య ప‌రంగా అశ్వ‌గంధ ఎంతో మేలు చేస్తుంది.

ఒత్తిడిని త‌గ్గించ‌డంలోనూ, క్యాన్స‌ర్‌కు అడ్డు క‌ట్ట వేయ‌డంలోనూ, రోగ నిరోధ‌క శ‌క్తిని పెంచ‌డంలోనూ, రక్త పోటును అదుపు చేయ‌డంలోనూ.ఇలా చెప్పుకుంటూ పోతే ఎన్నో విధాలుగా అశ్వ‌గంధ ఉప‌యోగ‌ప‌డుతుంది.

అందు వ‌ల్ల‌నే, చాలా మంది అశ్వ‌గంధను ఏదో ఒక రూపంలో రెగ్యుల‌ర్‌గా తీసుకుంటారు.అయితే అశ్వగంధ ఆరోగ్యానికి మంచిదే.

కానీ, ప‌రిమితికి మించి యూజ్ చేస్తే మాత్రం చాలా డేంజ‌ర్‌.అవును, అశ్వగంధ అధికంగా వినియోగిస్తే అనేక స‌మ‌స్య‌లు చుట్టు ముట్టేస్తాయి.

మ‌రి లేటెందుకు ఆ స‌మ‌స్య‌లేంటో ఓ లుక్కేసేయండి.సాధార‌ణంగా అశ్వగంధ తీసుకుంటే రక్తంలో చ‌క్కెర స్థాయిలు త‌గ్గుతాయి.

మ‌ధుమేహం రోగుల‌కు ఇది వ‌ర‌మే.కానీ, మ‌ధుమేహం వ్యాధి లేని వారు అశ్వగంధను ఓవ‌ర్‌గా తీసుకుంటే బ్ల‌డ్ షుగ‌ర్ లెవ‌ల్స్ తీవ్రంగా ప‌డిపోయి ప్రాణాల మీద‌కు తెచ్చి పెడుతుంది.