రూ.74 లక్షల విలువైన కారులో పచ్చిగడ్డి తీసుకెళ్లిన యూట్యూబర్‌.. వీడియో వైరల్..

ఈ ఘటనను అటుగా వెళ్తున్న ఒక వ్యక్తి తన కెమెరాలో రికార్డ్ చేసి సోషల్ మీడియాలో షేర్ చేశాడు.అప్పటి నుండి, ఈ వీడియో ట్విట్టర్‌లో హల్ చల్ చేస్తోంది.ఈ వీడియోను మిస్టర్ ఇండియన్ హ్యాకర్( Mr.Indian Hacker ) అనే యూజర్ నేమ్ గల ట్విట్టర్ పేజీ షేర్ చేసింది.వైరల్ అవుతున్న వీడియోలో, నల్లటి ఫోర్డ్ ముస్టాంగ్‌లో పచ్చటి మేతతో రోడ్డుపై ఒకరు వెళ్లడం చూడవచ్చు.

వీడియోలో కొన్ని సెకన్ల తర్వాత కొంతమంది వ్యక్తులు కారు నుంచి గడ్డిని కిందకు దించి, ఆవులకు మేతగా అందించడం గమనించవచ్చు.అమెరికా( America ) నుంచి ఇండియాకి దిగుమతి అయిన ఫోర్డ్ ముస్టాంగ్ ఇక్కడ మార్కెట్‌లో చాలామంది దృష్టిని ఆకట్టుకుంది.ప్రస్తుతం ఇండియాలో ఈ కారు కొనాలంటే సుమారు రూ.74 లక్షలు చెల్లించక తప్పదు.