పవన్ కోరిక బీజేపీ తీర్చుతుందా ?

 తమ రెండు పార్టీల బలం అంతంత మాత్రమే కాబట్టి,  టీడీపీని కూడా కలుపుకు వెళ్లాలనే ప్రతిపాదనను పవన్ పదేపదే బిజెపి ఆగ్రనేతల దృష్టికి తీసుకు వెళ్తున్నారు.మూడు పార్టీలు కలిసి పోటీ చేస్తే 2024 ఎన్నికల్లో అధికారంలోకి రావచ్చు అనే ప్రతిపాదనను పవన్ చేస్తున్నా,  బిజెపి అగ్ర నేతలు మాత్రం పట్టించుకోనట్టుగానే వ్యవహరిస్తూ వచ్చారు .అయితే ఇప్పుడు తెలంగాణలో టిడిపి ప్రభావం కూడా కాస్త కూస్తో ఉండడం, ఏపీలో ఆ పార్టీతో పొత్తు పెట్టుకుందాం అంటూ పదేపదే జనసేన అధినేత పవన్ కళ్యాణ్ ఒత్తిడి తెస్తున్న నేపథ్యంలో, బిజెపి మరి కొంతకాలం వేచి చూడాలని నిర్ణయించుకుందట.ఏపీలో తమ మిత్రపక్షంగా ఉన్న జనసేన కలుపుకుని టీడీపీతో పొత్తు పెట్టుకున్నా ,లేకపోయినా సొంతంగా పార్టీని బలోపేతం చేసే విషయంపై ఇప్పుడు పూర్తిగా దృష్టి సారించిందట .దీనిలో భాగంగానే పెద్ద ఎత్తున పార్టీలోకి చేరికలు ఉండేలా చూడాలని, ముఖ్యంగా కాపు సామాజిక వర్గంలో కీలకంగా ఉన్న వారిని బిజెపిలోకి ఆహ్వానించాలని కొంతమంది నేతలకు బాధ్యతలు అప్పగించారట.