వీడియో: డెలివరీ బాయ్ స్కూటర్‌పై విరిగిపడ్డ భారీ చెట్టు.. వెంట్రుక వాసిలో తప్పించుకున్న వైనం!

మహారాష్ట్రలోని విరార్‌ సిటీలో( Virar city, Maharashtra ) శనివారం (మార్చి 29) రాత్రి జరిగిన ఓ సంఘటన అందరినీ షాక్‌కు గురిచేసింది.రాత్రి సుమారు 10:30 గంటల సమయంలో, అగాషి చాల్‌పేత్‌లోని మహారాష్ట్ర బ్యాంక్ ( Maharashtra Bank )దగ్గర ఓ డెలివరీ బాయ్ స్కూటర్‌పై వెళ్తున్నాడు.

ఇంతలో ఊహించని విధంగా ఓ భారీ చెట్టు అతని స్కూటర్‌పై కూలింది.

అయితే, ఆ డెలివరీ బాయ్ అదృష్టం మామూలుగా లేదు.చివరి క్షణంలో చెట్టు పడటాన్ని గమనించి మెరుపు వేగంతో స్కూటర్‌ను ముందుకు పోనిచ్చాడు.అంతే, వెంట్రుక వాసిలో పెను ప్రమాదం నుంచి బయటపడ్డాడు.

ఆ చెట్టు అతడిపై పడి ఉంటే పరిస్థితి ఎంత దారుణంగా ఉండేదో ఊహించుకుంటేనే భయమేస్తుంది.కానీ, అతనికి పెద్దగా గాయాలు కాలేదు.

ఈ అద్భుత ఘట్టమంతా అక్కడి సీసీటీవీ కెమెరాల్లో రికార్డయింది.చూసిన వాళ్లంతా అవాక్కయ్యారు.