అమ్మో ఒకటో తారీఖు : టీడీపీ కి మళ్లీ పెన్షన్ టెన్షన్

టిడిపి ప్రోద్బలంతోనే నిమ్మగడ్డ రమేష్( Nimmagadda Ramesh ) పిటిషన్ వేశారనే ప్రచారం జనాల్లోకి విస్తృతంగా వెళ్ళింది.దీంతో వెంటనే తేరుకున్న టిడిపి అధినేత చంద్రబాబు( Chandrababu ) చీఫ్ సెక్రటరీకి లేఖ రాశారు.పెన్షన్ ఇంటి వద్దకే అధికారుల ద్వారా అందించాలని కోరారు.

అయితే మార్చి ఆఖరు కావడం, బ్యాంకులకు సెలవులు ఉండటంతో పెన్షన్ తీసుకోవడం ఆలస్యం అయిందని అధికారులు వివరణ ఇచ్చారు.ఇప్పుడు మే ఒకటో తేదీ వస్తుంది.మే 13న పోలింగ్ జరగబోతోంది.

ఈనెల పెన్షన్ పంపిణీ ఆలస్యం అయితే అది టిడిపికి మరింత డామేజ్ చేస్తుందనే ఆందోళన చంద్రబాబులో కనిపిస్తోంది .అందుకే ముందుగానే కేంద్ర ఎన్నికల సంఘానికి చంద్రబాబు లేఖ రాశారు. ఇంటి వద్దనే పెన్షన్ అందించేలా చర్యలు తీసుకోవాలని లేఖలో కోరారు.

మే 1 వ తేదీ కి  సక్రమంగా పెన్షన్ పంపిణీ జరిగితే సరే, లేకపోతే ఆ ప్రభావం వచ్చే ఎన్నికల్లో టిడిపి పై తీవ్రంగా ఉంటుంది అనడంలో సందేహం లేదు.