షాకింగ్.. టమాటాలను దొంగలించకుండా బౌన్సర్లను పెట్టుకున్న వ్యాపారి

దేశవ్యాప్తంగా టమాటా( Tomato ) ధరలు కొండెక్కుతున్నాయి.ధరలు రోజురోజుకి భారీగా పెరుగుతున్నాయి.

ప్రస్తుతం దాదాపు అన్ని రాష్ట్రాల్లో కేజీ టామాటా రూ.100కిపైగా పలుకుతోంది.కొన్ని రాష్ట్రాల్లో అయితే రూ.180 వరకు చేరుకుంది.టామాటా ధరలు భారీగా పెరగడంతో సామాన్యులు కొనుగోలు చేయలేని పరిస్థితి నెలకొంది.

దీంతో చాలామంది కూరల్లో టమాటాలను వాడటం మనేశారు.టమాటాలకు ప్రత్యామ్నాయంగా ఇతర పదార్థాలను ఉపయోగిస్తున్నారు.

అయితే టమాటా ధరలు పెరగడంతో వాటిని చోరీ చేసేందుకు దోంగలు ప్రయత్నాలు చేస్తున్నారు.టామాటా తోటల్లోకి చొరబడి ఎత్తుకెళ్లిపోతున్నారు.

అలాగే టమాటా షాపుల నుంచి దొంగలిస్తున్నారు.దీంతో ఒక వ్యాపారి టమాటాలకు ఏకంగా బౌన్సర్ల( Bouncers )తో భద్రతను ఏర్పాటు చేసుకున్నాడు.

వారణాసిలో ఈ సంఘటన చోటుచేసుకుంది.ఉత్తరప్రదేశ్ లోని వారణాసికి చెందిన కూరగాయాల వ్యాపారి తన షాపుకు బౌన్సర్లను ఏర్పాటు చేసుకుని అందరినీ ఆశ్చర్యపరుస్తున్నాడు.

టామాటా ధరలు పెరగడంతో షాపుకు వచ్చే కొంతమంది టామాటాలను దొంగచాటుగా ఎత్తుకెళ్లిపోతున్నారని, అలాగే కొంతమంది గొడవలు పడుతున్నారని షాపు యజమాని అజయ్ ఫాజి చెప్పాడు.