ఈనెల 30న తెలంగాణలో పర్యటించబోతున్న ప్రియాంక గాంధీ..!!

ఏఐసీసీ అగ్ర నాయకురాలు ప్రియాంక గాంధీ( Priyanka Gandhi) ఈనెల 30వ తారీకు తెలంగాణ రాష్ట్రంలో పర్యటించబోతున్నారు.

కొల్లాపూర్ లో జరిగే బహిరంగ సభకు ముఖ్యఅతిథిగా హాజరుకానున్నారు.

ఈ సభలోనే మాజీ మంత్రి జూపల్లి కృష్ణారావు( Jupally Krishna Rao ) మరి కొంతమంది నాయకులు కాంగ్రెస్ కండువా కప్పుకోనున్నారు.ఈ సభలో ప్రియాంక గాంధీ నాలుగు డిక్లరేషన్ లు ప్రకటించే అవకాశం ఉందని తెలంగాణ కాంగ్రెస్ నేతలు తెలియజేస్తున్నారు.

ఇదే సమయంలో మహిళా డిక్లరేషన్ ను ప్రకటించే అవకాశం కూడా ఉందని కాంగ్రెస్ వర్గాలు స్పష్టం చేస్తున్నాయి.కర్ణాటక అసెంబ్లీ ఎన్నికలలో కాంగ్రెస్ తిరుగులేని విజయం సాధించడంతో త్వరలో జరగబోయే తెలంగాణలో అసెంబ్లీ ఎన్నికలను కాంగ్రెస్ చాలా సీరియస్ గా తీసుకోవడం జరిగింది.