ప్రముఖ స్ట్రీమింగ్ సంస్థకు 'మహాసముద్రం' రైట్స్!

ప్రస్తుతం టాలీవుడ్ యంగ్ హీరో శర్వానంద్ ఆర్ ఎక్స్ 100 దర్శకుడు అజయ్ భూపతి ఎంతో ప్రతిష్టాత్మకంగా తెరకెక్కిస్తున్న సినిమా మహాసముద్రంలో నటిస్తున్నాడు.

ఈ సినిమాలో హీరో సిద్దార్ధ్ కూడా నటిస్తున్నాడు.

చాలా రోజుల తర్వాత సిద్దార్థ్ డైరెక్ట్ తెలుగు సినిమా చేస్తున్నాడు.అజయ్ భూపతి తో పాటు శర్వానంద్, సిద్ధార్థ్ కూడా ఈ సినిమా హిట్ కోసం ఆతృతగా ఎదురు చూస్తున్నారు.

ఈ సినిమాను లవ్ అండ్ యాక్షన్ డ్రామాగా దర్శకుడు తెరకెక్కిస్తున్నాడు.ఇప్పటికే విడుదల అయిన పోస్టర్స్, పాటలు సినిమాపై మరింత ఆసక్తిని పెంచాయి.

అక్టోబర్ 14న దసరా సీజన్ లో ఈ సినిమాను విడుదల చేస్తున్నట్టు ఇప్పటికే మేకర్స్ అధికారికంగా ప్రకటించారు.దీంతో మేకర్స్ ఈ సినిమా ప్రమోషన్స్ ను భారీ ఎత్తున చేస్తున్నారు.

అందులో భాగంగానే ఈ సినిమా నుండి ట్రైలర్ ను విడుదల చెయ్యగా ఈ ట్రైలర్ ఆద్యంతం ఆసక్తికరంగా సాగుతూ ప్రేక్షకులను ఆకట్టుకుంది.